草日-麥美娟-min

麥美娟 做完賊係唔係要向草日道歉?

香港一街都係抄抄子都唔係新聞,因網絡界到藝術界都係,政界都唔少抄抄子。好似葉劉淑儀想抄我提嘅限奶令,因為一早被我捉到正,結果佢自己膠咗。其實互聯網年代一街都係方丈,學人抄嘢係自己攞嚟衰,點知土共啲政客,似乎都係唔知死字點寫。 麥美娟 嘅馬仔梁子穎,未問過草日就攞佢啲嘢嚟做議辦海報,結果被成個網啲人鬧爆。

麥美娟 同梁子穎抄人之前唔睇立場㗎?

首先,作為公職人員,copyright係一定要攞,人地俾唔俾,或開天殺價係一回事,但身為立法會議員同區議員,係有責任問版權持有人攞permission,特別依家咁用法,係成份用晒,根本唔係fair use範疇嘅事,呢個係叫知法犯法,乜土共唔係好鍾意要守法嚟大人嘅咩?而且令讀者誤會作者嘅政治立場,有乜事就百辭莫辯。好多漫畫家同佢嘅讀者,都係好討厭民建聯同工聯會呢班土共,呢個係人所共知。

梁子穎一個人道歉係唔夠,因為呢個海報唔係純粹梁子穎嘅海報,仲係工聯會新界西立法會議員麥美娟嘅海報,麥美娟用得佢嘅名,就必須盜用嘅事負責任,除咗收番晒所有海報之外,仲要公開出聲明向草日道歉,並且表示以後唔會再犯,咁樣至夠。

但最無恥係,原裝海報有麥美娟同梁子穎個名,一到道歉聲明呢⋯⋯

草日-麥美娟-2-min
草日-麥美娟-2-min

偷人嘢果陣,就大大枝嘢,出晒梁子穎同麥美娟個朵同樣,道歉聲明就得安蔭婦女會個名,阿水知道乜叉叫安蔭婦女會?呢件事用得麥美娟個名,至少道歉聲明一定要有埋麥美娟個名,呢啲係咪土共有事玩切割嘅慣技嚟,吓吓都可以咁玩切割玩賤嘢,唔怪得土共可以係咁玩賤嘢,玩到無限次都得喇,因為威就大佬攞,有嘢衰咗就用個空殻組織孭,安蔭婦女會執咗,咪搞個安蔭婦女街坊會,土共啲空殻組織多到好似細胞分裂咁,咁有乜出奇。

所以要阻止 麥美娟 同埋佢啲手下玩膠嘅唯一方法,就係追究到底, 麥美娟 必須自己走出嚟道歉,否則就引用《版權條例》告海關。講真,如果眾籌俾草日,向 麥美娟 追討民事責任,相信好多人都好樂意咁玩。梁振英都鍾意告梁繼昌,咁你做初一,我做十五啫。

發表迴響

你的電子郵件位址並不會被公開。 必要欄位標記為 *