梁振英-梁繼昌-min

梁振英 加緊迫害梁繼昌只會玩死佢自己

梁振英 似乎真係好驚自己變咗曾蔭權第二,下半生怕喺赤柱監獄度過。所以 梁振英 又喺星期日出封有十點嘅「公開信」,以為咁樣可以爭取到民意支持,迫到梁繼昌離開UGL案專責委員會。 梁振英 係用毛澤東嘅小農土皇帝式思考,以為好似丁蟹咁講嘢,公眾就會支持佢,但實情係,不單呢啲公眾信,令大家感覺好悶,而且好大機會令公眾有認為,廉政公署要展開調查,甚至主動要求英國同澳洲政府展開調查。

梁振英 處理DTZ交易方法古靈精怪

如果 梁振英 問UGL收嘅錢,純粹係出售DTZ嘅代價還好,但大家要留意一點,DTZ嘅交易係一單好怪嘅交易,UGL係買晒DTZ嘅業務,但DTZ嘅母公司本身,UGL唔買嘅,所以DTZ嘅小股東係渣都無得剩,但 梁振英 因為揸住DTZ嘅實質業務,所以 梁振英 有得剩。而 梁振英 作為DTZ最大單一股東,佢嘅立場,對UGL可唔可以成功咁玩係好重要。所以,一直都有質疑 梁振英 係出賣小股東,所以, 梁振英 同UGL嘅協議實質係乜嚟, 梁振英 唔單只要向香港、澳洲、英國嘅稅務部門,以及民眾交代,亦要向全世界嘅DTZ小股東交代。所以 梁振英 越迫害梁繼昌,越反映成單嘢係好有問題嘅,至少對成個DTZ交易仲有記憶嘅人,會再一次諗到呢條友係出賣股民,以求自己甩身。

另一方面,當年 UGL 聲稱日本DTZ蝕得勁,所以日本DTZ業務UGL唔買,由得梁振英自己處理,但點解依家日本DTZ業務,又會返到DTZ依家嘅最終買家,美資嘅Cushman & Wakefield,仲要好奇怪,UGL買DTZ果陣,一早已經將DTZ嘅總部由英國倫敦搬到美國,而TPG係兩三年後,至將DTZ業務注入Cushman & Wakefield,期間發生乜嘢事, 梁振英 係咪仍然喺擔任行政長官期間,有份處理DTZ日本交易,甚至DTZ日本故意遲交易,係為未來另一啲交易鋪路,呢啲一大堆疑團,你越睇DTZ嘅架構,你越覺得古靈精怪,如果俾梁繼昌睇到出, 梁振英 真係跳海都唔掂。 梁振英 越係玩呢啲仆街嘢,越應該考慮再向英澳兩地執法機構舉報梁振英。

發表迴響

你的電子郵件位址並不會被公開。 必要欄位標記為 *