港珠澳大橋-min-2

港珠澳大橋 不如真係拆咗佢永遠唔啟用算

廉署拘捕咗一名實驗室技術員,懷疑條友因收受利益,或其他原因,容許 港珠澳大橋 偷工減料嘅水泥同鋼筋喺化驗報告度過關,如果係咁, 港珠澳大橋 可能連香港段嘅安全都成一大疑問。如果真係咁樣,不如 港珠澳大橋 永久拆卸,因相關承建商歸還庫房興建費用算數。

港珠澳大橋 根本唔可能會安全

成條 港珠澳大橋 ,其實喺一個正常了解中國同澳門政治嘅人嘅角度,都唔會使用,大家都知澳門同中國都係有名貪污,呢個問題一直無解決過,就算香港段係安全,中國段主橋,以及澳門段嘅橋面係因貪污緣故根本係豆腐渣工程,你都唔敢揸架車上橋,大家要記住,喺珠江口如果架車因冚橋跌咗落海,基本上真係九死一生,如果有機會生還,都將會係運氣,如果連香港段都有貪污,咁成條橋都可以唔要。

港珠澳大橋 同中國高鐵香港段一樣,其實對香港同澳門都毫無用處,澳門本身無工業,而坐飛翼船嘅船費已經喺一個好低嘅水平,坐船已經足以應付澳門同香港之間嘅交通流量,駛鬼一條造價咁貴嘅天橋,澳門唔會為香港帶嚟大量遊客,甚至明光社由反賭博嘅角度,應該公開反對興建 港珠澳大橋 ,但我唔見平日對馬會凶神惡煞嘅明光社出聲,證明呢個貪污project,當中有可能涉及土共,甚至港澳兩地統監府嘅金錢利益,呢個係不言而喻。

既然依家唔及格嘅原材料影響咁大,正常司機都唔會膽搏膽駛上一條咁危險嘅公路,咁何必仲要 港珠澳大橋 落成,一旦有塌橋事故,一定係政治大災難,亦係人道大災難。簡單嚟講,所謂 港珠澳大橋 ,根本係用基建之名,違反兩地《基本法》唔駛兩地政府向中國政府進貢嘅承諾,乘機要兩地政府進貢俾啲貪官,因為呢啲大型基建工程,往往係貪污溫床,一如台灣過往國民黨執政果陣,有啲永遠都唔會完成嘅基建工程,例如台北地鐵木柵線,或桃園機鐵,都係民進黨政府上台後,立即將工程完成,或解決承建商唔肯合作嘅問題,因為國民黨都係靠呢啲工程去抽水養肥啲貪官。

所以, 港珠澳大橋 大家真係拆咗佢,其實對各方面都有著數,只不過果啲貪官唔該嘔番晒啲錢出嚟。

發表迴響

你的電子郵件位址並不會被公開。 必要欄位標記為 *