周浩鼎-梁振英-min

趕 周浩鼎 出委員會只係第一步

周浩鼎 呢個大家見到佢想叫佢一聲鼎嘅友仔,終於因膠到無朋友,辭去UGL案調查委員會副主席同委員職務,呢個係小勝利,但離送梁振英去赤柱監獄,或者世界任何一個監獄嘅路仲有一段距離。

搜集真正嘅證據係重要

  1. 首先,除咗 周浩鼎 ,梁振英嘅走狗唔只得一件,至少有以下無賴委員係梁振英嘅走狗,包括梁美芬、黃國健、馬逢國、容海恩、何君堯。至少要將容海恩、何君堯、梁美芬是但一件踢走,成個調查至可能會得出一啲有意義嘅方向,否則梁振英啲走狗一定繼續拉布,同埋令委員會空轉。
  2. 同埋仲有啲嘢,其實塊拼圖係可以搵到,但一直以嚟,有新聞機構追過,但有頭無尾,十分之奇怪,例如DTZ Japan嘅股權,喺咪梁振英任內易手,眾新聞查過,但日本果部分,係一直未有人追,係需要追落去。
  3. 梁振英果啲好想spin走嘅地方,極之可能係成件事嘅關鍵部分,呢個係需要追查落去同關注,但可以有乜渠道,將相關嘅文件紀錄去到一個實質有法律威力嘅階段,呢個亦係重要嘅。

簡單嚟講,泛民唔能夠做一啲只有姿態,而對事件實際推動無幫助嘅事,姿態係要,否則梁振英會越嚟越放肆,但姿態以外,搜集證據行動係重要,仲要一樣嘢,單純泛民內部去搜集證據係唔夠,因為泛民內部都有唔少共諜,而泛民內部嘅資訊系統保密程度,亦好容易令梁振英掌握到一啲進展,然後再作出相應嘅滋擾行動,呢條友不擇手段,大家都知嘅。

要隊冧梁振英,唔係靠一個梁繼昌,梁繼昌係關鍵人物,大家要一致支持佢留喺委員會(果啲梁振英嘅五毛,我講明,一定殺無赦,我會整理出清單,大家慢慢同佢地玩),無論證據搜集工作,不論UGL有關,英屬處女島果啲,日本果啲,都要持續去偵查,呢啲偵查唔會一時三刻即刻有結果,甚至要面對好多官僚系統阻撓,但都要查落去,如果曾蔭權爵士因佢果啲cheap精行為都要坐監,點解梁振英唔駛坐監,甚至果啲有份幫梁振英嘅土共立法會議員可以唔駛坐監,如果梁振英咁都可以走甩,香港仲有無公道可言,梁振英落咗台,唔代表呢條友唔可以做太上皇。只要佢坐監,至可以撇除佢做太上皇嘅可能性。

發表迴響

你的電子郵件位址並不會被公開。 必要欄位標記為 *