胡漢清 嘅歪論膠到唔似大狀

胡漢清 呢位投共大狀,今朝又施展狗噏神功,竟然夠膽死話,中國高鐵西九龍站嘅管轄權,唔一定屬於香港,為咗硬推行一地兩檢,連 胡漢清 呢啲法律專業人士,都走去漠視邏輯,亂噏廿四,簡直係沒有最黐線,只有更黐線嘅程度。如果 胡漢清 嘅講法成立,唔好話港鐵公司,甚至香港好多地權法律都會出現重大問題。

胡漢清 亂噏無極限

胡漢清 好歹係一位資深大律師,應該經常要睇《憲報》,唔知佢有無睇過呢類刊憲收回地底業權嘅公告

胡漢清-憲報-min
胡漢清-憲報-min

地底業權,係香港私人地產業權嘅一部分,港鐵公司又好、電訊公司又好、政府又好,如果有任何嘢涉及地底業權,就要同地面果塊地嘅業主傾,例如賠錢,或者起個地鐵出入口俾個業主作為賠償,呢個係香港土地法律嘅基礎嚟,理論上,如果地底有石油,或者有溫泉水,可以攞嚟起個溫泉或冷泉酒店之類,果個權利都係屬於地面嘅業主,呢點係十分之清楚,無任何爭拗空間。否則政府都唔會為咗發地底各類可能土地用途,日後賣地可能只係賣到地底某個深度嘅業權,或者地底某個深度嘅業權只限作地基等用途之類,我唔係律師,我唔係測量師,都知嘅基本常識嚟。簡單嚟講,理論上,香港地面至地心所有土地嘅業權同相關連責任,都係屬於地面嘅業主。

如果 胡漢清 嘅講法成立,不單會荒謬到,大家入港鐵或任何地底範圍都要攞passport咁膠,更大可能係,成個地底業權系統嘅崩潰,爭拗無了期,甚至高鐵西九龍總站真係要炸咗佢,因為佢喺一個唔喺香港管轄範圍出現嘅怪物,有可能有邊防或其他民事問題嘅疑慮,所以必須炸咗佢。所以 胡漢清 呢個為咗硬推一地兩檢而亂噏廿四嘅講法,只係笑話仲好,唔係笑話嘅話,我相信香港好多大地產商,甚至港鐵公司嘅股東想打柒佢。

呢件事亦可以睇到,成個一地兩檢,由頭到尾都係no plan,中共嘅算盤一直都係煮到嚟就食,霸王硬上弓,問題係,香港民事法律系統之複雜,你中共可以話嚟就嚟㗎,呢度係中國本土呀,香港始終係國際條約下建立嘅城市。唔該叫胡漢清呢啲土共收聲吧。

發表迴響

你的電子郵件位址並不會被公開。 必要欄位標記為 *