梁振英-稅務-min

梁振英 咁驚梁繼昌似同逃稅有關

梁振英 呢個人雖然古惑,但佢未陰沉到,佢嘅脾氣可以收藏到海底,所以由佢緊張啲乜嘢,可以睇到佢嘅死門喺邊度。 梁振英 又喺自己blog度派膠,再一次指梁繼昌喺稅務問題上質疑佢,係梁繼昌呢位英國和香港嘅稅務專家必須離開委員會嘅原因。

梁振英 點解要驚一個稅務專家

當然,我相信委員會裡面有律師資格嘅幾位土共委員,以及喺廉政公署做過調查主任嘅林卓廷,都係稅務上有專長,但大家要留意番成個UGL案嘅特性:

  1. DTZ係一間倫敦上市公司
  2. 梁振英係一個英國上市公司嘅最大單一股東
  3. 作為英國上市公司高層,係一定至少有UK Work Permit
  4. UK Work Permit有可能隱藏英國嘅稅務責任,至少 梁振英 一定有英國稅務檔案
  5. 梁振英 成個交易,要負責香港、英國定澳洲稅務責任,成件事唔清唔楚

由於梁繼昌係英國同香港兩地稅務專家,如果俾梁繼昌發現成單交易,有是但違反英國或香港嘅稅務法律,甚至兩地犯齊, 梁振英 呢鑊真係跳海都唔掂,我都未計呢單交易本身,有可能涉及其他英國、香港或澳洲嘅商業罪行,至少係涉及上市公司大股東同董事責任嘅法律。呢個係 梁振英 一定要梁繼昌走嘅原因。 梁振英 可以控制到香港嘅檢控部門,律政司可以永遠都唔郁佢,或者梁繼昌要私人檢控佢都要大筆錢。只不過,英國同澳洲嘅檢控部門,就唔到 梁振英 控制,如果英國要引渡梁振英受審,你諗吓,中國全國政協副主席要被引渡到英國受審,呢單仲唔係六國大封相?皆時撐 梁振英 所有派系同官員,個頭都切得落嚟,係牽一髮動全身。

所以我一直好強調,梁繼昌係必須留喺委員會,因為好多嘢,市民係要倚重嘅特殊專業背景,而且UGL案,更可能涉及日本、甚至其他更多國家嘅商業法律,當中嘅關係十分之複雜,呢個無牙老虎委員會,未必查到晒啲關鍵部分,因為我相信 梁振英 同委員會係高度唔合作,特別佢指揮周浩鼎一事曝咗光,同埋容海恩都可能係佢指揮之後,謝偉俊要周浩鼎辭職,其實都可以睇到謝偉俊態度有變,好可能 梁振英 會完全唔同委員會合作。但呢單嘢,至少有一個冰山已經浮咗出嚟,就係稅務。

發表迴響

你的電子郵件位址並不會被公開。 必要欄位標記為 *