東鐵-故障-min

東鐵 又故障

港鐵 東鐵 部分(即係九廣鐵路英段)因接近紅磡站嘅一段電力系統故障,暫停服務,如果放工時間都仲未修理好,我估放工時間都唔慌唔到亂世佳人咁嘅款。其實兩鐵合併其中一個理由,係地鐵管理比九鐵好,但點解 東鐵 部分可以出事完又出事嘅呢?

東鐵 系統無法大規模更新

如果 東鐵 只有港鐵列車行駛,其實唔應該有問題,只要將訊號系統升級做西門子trainguard,升級電力系統,停晒AWS嘅部分,只要唔係再用啲中國製列車,其實 東鐵 可以好穩陣。大家睇吓,JR西日本奈良線嘅列車,用GPS訊號系統追蹤,同埋iPad知道其他車嘅狀況,果啲列車全部仲係國鐵103系嘅車,係上世紀七十年代,甚至六十年代嘅產品。其實港鐵駛唔駛劏晒啲英製列車,我十分之懷疑。當然,香港嘅 東鐵 線繁忙程度,係山手線一級嘅程度,應該用更快更有效率嘅列車,但唔會係啲中國製列車。

奈良線-2-min
奈良線-2-min

依家 東鐵 系統成日有問題,一方面可能因為港鐵啲人買嘢一味買中國嘢,所以出咗事。以往用英國嘢,邊會成日出事,香港又唔係日本,成日有踏切事故或者人身事故,搞到列車停駛。依家,我可以由兩方面去睇, 東鐵 系統一啲問題。(還好, 東鐵 新車係韓製)

  1. 東鐵 肯定係超負荷,無論設計容量,定訊號系統都係,就算停晒啲前往中國嘅直通車,都係超負荷,除非全線四軌化,或者訊號系統改革,可以利用貨運線做特急服務。
  2. 港鐵依家一味為咗慳成本,用晒啲中國製物料,呢個絕對唔係辦法。
  3. 當然更大問題係中國遊客,以及中國移民太多,起多條同 東鐵 平行嘅通勤鐵路都死人

所以都係果句,唔能夠乜嘢都只靠鐵路,日本可以乜都靠鐵路,前提係有大手私鐵同JR嘅競爭,好似京都有近鉄、京阪、阪急三鐵同JR競爭,中京地區有名鉄同JR東海大惡鬥,香港只有一間鐵路公司,地理上又唔可能有幾間鐵路公司平行競爭,唯一方法就係善用巴士、小巴嘅運載力,乜都依靠鐵路,鐵路系統會被玩殘,市民亦都會被玩殘,但點解呢個政府,到依家仲要堅持乜都鐵路大晒嘅做法,呢啲係叫與民爭利,根本係唔值得鼓勵,JR都話最大四社已經全面私有化。

發表迴響

你的電子郵件位址並不會被公開。 必要欄位標記為 *