真係又開口中

昨天我才去超級市場,找罐雀巢金裝助長奶粉去影,雀巢在標明產地來源上如何奸詐,並且呼籲,如果仍堅持要飲雀巢的奶粉,可以考慮去印傭去的印尼超級市場,買印尼版。點知,今日《蘋果日報》就指果隻黑龍江生產奶粉有三聚氰胺。

蘋果日報:香港蒙牛、雀巢有毒

「產 品 : 雀 巢 金 裝 助 長 奶 粉 ( 1 歲 或 以 上 ) 900g 〈 生 產 地 : 黑 龍 江 )
本 報 化 驗 結 果 ( 含 量 ppm ) : 0.6
食 環 署 結 果 ( 含 量 ppm ) : 沒 有 抽 查」

我知高登有人對我講法唔服氣,但事實勝於雄辯,依家雀巢黑龍江出口俾香港嘅奶粉係有三聚氰胺,乜有人好想自己飲出腎石嚟?

印尼由於喺地理上近澳洲好多,所以印尼奶粉唔會咁膠用中國奶源,一般係澳洲或馬來西亞奶源。就算香港好多外資牌子嬰兒奶粉,例如牛欄牌,都係印尼包裝,咁我覺得飲印尼版又有乜問題?

我可以講,依家香港只有一條路選擇,全面禁止入口中國奶製品,喺呢件事上,政府無謂拎香港人嘅人命嚟賭。

延伸閱讀:
黃世澤:如何避免買到中國製雀巢產品

7 thoughts on “真係又開口中

  1. 文放,何使看此一類絕妙資料?

    http://info.china.alibaba.com/news/detail/v4-d1000903040.html

    http://big5.chinabgao.com/gate/big5/www.survey.chinabgao.com/reports/28660.html

    http://market.ccidnet.com/report/content/12/200809/99437.html

    把國內三聚氰胺產能,減去工業用三聚氰胺需求,你估下有幾多三聚氰胺變成食料,或是工業用飼料呀拿?

    年產 40 萬頓的三聚氰胺生產線,在勞動法影響下,近兩年丟失的港客廠客需求,不可能全部由其他產業吸收。

    你話有冇一百頓 (佔三聚氰胺總產量的0.025%, 或相比於萬頓計的累年奶粉產量不足 1% ) 三聚氰胺,走投無路流入農業市場?一百頓等於一千億毫克,除以十億飲奶人口,人人分到一百毫克。聽講話要攤分七年吸收,先不致危險水平喎。(唔知有冇搞錯,請醫生指教)

    除時可以計番條數,知道平均中國人吸收幾多三聚氰胺添。

  2. To 蛋白精:

    1. 我建議你去驗一驗腎好,免得招惹麻煩。

    2. 如果你仲堅持飲雀巢咖啡,可以考慮去7-Eleven,買雀巢金裝3合一,果隻係韓國造。

    3. 如果想平,都係去印傭超級市場吧。

  3. 我覺得雀巢唔會係一間好公司……
    聽過人地講: 好耐之前(好似係30定40年前), 雀巢既奶粉令到大約1000萬嬰兒病死. 原因係因為當時雀巢勁sell自家既奶粉(又話係risk-free, 好過用母乳等等), 鼓吹母親放棄餵母乳. 最後由WHO既監督下先至解決左.
    最近o係7月尾既工潮, 聽聞有個員工話係因為資方o係12個月黎都冇加過人工.
    而家雀巢就連大陸廠房都出埋毒奶……所以背景已經有污點, 加上近排負面新聞較多既公司, 印象只會變得越黎越差.

發表迴響

你的電子郵件位址並不會被公開。 必要欄位標記為 *