梁繼昌-min

點解梁振英一定要趕 梁繼昌 出調查委員會

大家一定覺得好奇怪,點解梁振英千方百計要 梁繼昌 離開UGL案調查委員會,甚至打明知贏面唔大嘅誹謗官司都要咁玩落去。其實大家睇睇 梁繼昌 嘅專業履歷,佢係梁振英依家最大威脅,如果泛民要篤爆梁振英啲仆街嘢,好大機會係 梁繼昌 成功出手,包括喺英國本土玩謝梁振英。

梁繼昌 擁有英國執業律師資格

大家要了解UGL案一個特殊背景,就係DTZ呢間公司係一間英格蘭註冊公司嚟,UGL案收取五千萬,當然可能犯香港法律,但成個DTZ交易之中,梁振英作為一間英格蘭上市公司最大單一股東,有無其他唔見得光嘅事?如果當中可能係有嘅話,有人有能力告到英國法院嘅話,梁振英喺香港甩到身,英國甩唔身,中國全國政協副主席捲入英國官司,你諗吓北京會點諗梁振英。

而 梁繼昌 係一個背景好特殊嘅人,香港同英國執業會計師外,同時係香港同英格蘭及威爾斯執業律師,兼且 梁繼昌 係英國公民,換言之, 梁繼昌 可以用查到梁振英啲仆街,香港郁唔到佢, 梁繼昌 要追到底,可以用佢嘅英國公民,英格蘭及威爾斯律師,以及英國會計師身份,喺英國本土玩佢一鑊都仲,所以喺梁振英眼中, 梁繼昌 係成件事最危險人物,泛民其他議員都唔一定可以令到佢死,但 梁繼昌 有呢個專業知識、身份、聯繫去令到梁振英好麻煩,所以梁振英千方百計要郁佢。

呢個亦係點解,梁振英呢次搵兩個有法律背景嘅土共議員,包括容海恩大律師,以及周浩鼎律師,借佢地個朵對戰,可惜係,梁振英係一啲典型唔信專業人士嘅自以為好醒嘅client,呢類client至會以為自己叻過律師,連字體都修改埋(當然,呢個已經係公職人員行為失當嘅行為),而容海恩同周浩鼎同梁繼昌呢個一級大行任職嘅雙料專業人士比,根本係蚊脾同牛脾嘅分別,結果呢次係膠到核爆。

所以UGL案,大家要千方百計令 梁繼昌 可以繼續喺調查委員會,甚至最好做埋調查委員會主席,取代謝偉俊呢條友,喺 梁繼昌 加上有廉署經驗嘅林卓廷聯手之下,應該可以查到嘅嘢,唔會係咁簡單。UGL案,可以係涉及複雜嘅商業罪案,大家應該明點解 梁繼昌 咁關鍵。

5 thoughts on “點解梁振英一定要趕 梁繼昌 出調查委員會

  1. 梁繼昌議員,請你用你的身份和專業為市民發聲及討回公道。我們一定撐你。

發表迴響

你的電子郵件位址並不會被公開。 必要欄位標記為 *