梁振英-梁繼昌

梁振英 啲仆街招數真係無最無恥,只有更無恥

梁振英 似乎喺UGL案度,真係嚴重心有屎,為咗轉移操縱周浩鼎同容海恩兩位受過法律訓練嘅立法會議員問題嘅視線,竟然話依家梁繼昌被佢告緊,所以梁繼昌都唔可以留喺調查委員會。 梁振英 嘅邏輯,簡直係黐線而且豈有此理。

梁振英 可以告晒所有泛民委員,咁都仲得了

梁振英 千方百計要逃避UGL案嘅任何調查,好明顯UGL案呢單嘢裡面係黑過墨斗,否則我未見過可以不擇手段到,話梁繼昌被 梁振英 告緊,所以唔做調查委員會成員,如果呢個玩法成立,我相信 梁振英 會喺明日入稟告晒所有泛民議員誹謗,咁就唔會有任何泛民議員參與調查,呢個可以講係妙想天開,所以 梁振英 嘅無恥程度,你係想像唔到,係沒有最無恥,只有更無恥,不斷挑戰無恥嘅程度,簡直底線日日都咁低。

我相信,由於UGL案嘅案情,實際上係十分之嚴重,所以 梁振英 通宵改周浩鼎嘅文件,會見容海恩咗幾多次,相信好多人都想知,正由於可能情節好嚴重,既然連梁繼昌被人告,都要被梁振英話唔應該做調查委員會成員,咁 梁振英 會唔會用其他招數,令UGL案永久石沉大海,照House of Cards嘅情節發展,係會有人因此被謀殺,所以我認為泛民相關人士,必須十分注意人身安全,因為無人估到 梁振英 嘅底線去到邊,一個人為咗政治權力,可以無惡不作到極點。包括動用非法招數,大家仲記得當初 梁振英 用飯局招待係乜嘢人果陣,我認為乜事都可以發生。

當然,泛民要罷免周浩鼎唔係咁容易,但都要做,周浩鼎必須有一份官式書面記錄,交代佢做咗啲乜嘢,而我相信,周浩鼎同容海恩兩位嘅作為,除咗要交去廉政公署,香港律師會同香港大律師公會,都應該考慮調查,呢兩條友係持牌人士嚟,如果持牌人士喺立法會做啲咁嘅嘢,咁日後香港法律專業仲有乜嘢形象可言,真係好恐怖。

UGL案呢件事,依家只係開始,遠遠未到結束,依家梁振英點樣指揮同控制立法會議員,以及相關網絡嘅運作,依家至曝光。但大家應該會明點解,周浩鼎同容海恩會被捧成立法會議員,因為佢地只係無腦嘅喪屍。

發表迴響

你的電子郵件位址並不會被公開。 必要欄位標記為 *