大媽-min

賣港入境處趕外國樂隊,香港人趕 大媽 離開香港

賣港入境處班友,似乎唔賣港唔心涼,喺應hidden agenda邀請外國樂隊入境果陣,講明一演出就驅逐出境,我唔知呢班入境賊,點解咁憎hidden agenda請嘅樂隊。只不過,對香港人嚟講,似乎啲旺角 大媽 ,以及中環扮傷殘演出果啲仆街冚家鏟,更危害公眾利益。呢個世界,你做初一,我做十五。香港人要同入境處超合作,睇吓邊個傷啲。

舉報 大媽 乞丐絕不手軟

先講中環、灣仔果啲扮傷殘演出嘅人,以前如果用真聲果啲,我仲會寬容(係播帶果啲,我一定告),依家唔駛講落去,任何呢類演出,一律報警報入境處,如果入境處唔理,就要求入境處交代清楚,點解hidden agenda請band嚟香港無事,但呢班仆街呃錢怪就一啲事都無,邊個入境事務主任做嘅決定,做得賣港決定嘅入境事務主任,資料交俾FBI同MI6之類機構,呢啲人批出嘅證件,要各國政府諗清諗楚,係唔係當中有古靈精怪嘢喺度發生緊。以我所知,警方都好想趕走呢班壽頭,所以我睇入境處依家自己想點。

跟住係旺角果啲 大媽 ,部分旺角 大媽 ,我相信有香港身份證,最多用噪音法律郁呢班擾民怪,但有部分 大媽 ,我相信係持雙程證嚟香港,如果照政府對付hidden agenda嘅理據,呢班友應該立即驅逐出境,任何人可以要求報警,報警唔理就打999打到香港警賊理為止,警察有check ID權力,睇吓呢班 大媽 邊個揸藍色卡(雙程證),見一件趕一件,最重要係,採取行動期間,一定要拍晒呢班仆街嘅厭惡性演出,因為呢啲係驅逐呢班友出香港嘅證據,當呢班友曾經驅逐出香港,我睇日後入境處夠唔夠薑俾佢地返嚟。

香港最重要係講公道,依家係,對住阻止梁振英發達嘅人,執法就緊到仆街,對住可以向中國輸出利益,啲執法就鬆到無倫,呢啲仲唔係正宗嘅中國殖民統治,我依家要求好簡單,如果政府俾hidden agenda請嘅樂隊嚟香港,我亦無意郁果啲 大媽 以及果啲有真正演出嘅中國乞兒,我唔會雙重標準,但如果香港政府要玩種族歧視嘅話,香港人就用自己嘅方法撥亂反正。

One thought on “賣港入境處趕外國樂隊,香港人趕 大媽 離開香港

發表迴響

你的電子郵件位址並不會被公開。 必要欄位標記為 *