天文台-min

天文台 失控:唔尊重技術官僚嘅結果

天文台 一直以嚟,都係一個技術官僚部門,一個技術到唔理市民對李氏力場指責,喺掛八號風球問題上堅持已見嘅部門。只不過,依家 天文台 越似一個會主動反抗政府干預嘅部門。 天文台 前台長林超英,喺政治上赤膊上陣唔駛講,李本瀅係黃絲退休局長嚟,支持佔中。但岑智明都唔弱,主動邀請羅永聰講talk,擺明當你梁振英流嘅。

天文台 點解會失控

天文台 其實係民航處以外,另一個最高度技術官僚嘅部門,因為你無專門數理知識,都無乜可能入 天文台 做嘢。民航處係歷嚟最投共嘅部門,但呢個背景可以理解,因為過往英治年代,英國人係對民航處華裔官僚有好嚴重歧視,相反,對民航問題一無所知嘅中國,對民航處官員皆以上賓之禮,所以我對民航處退休官員投共,無太大批評,呢啲嘢英國人要找數。但 天文台 ,又發生緊乜事?

一方面,依家梁振英政府擺明打破公務員政治中立嘅結果,就係公務員可以俾自己政治意見浮上面,固然可以好似入境處、警務處咁支持政府,但亦可以係反對政府。 天文台 呢個部門,其實係講科學證據嘅部門,但呢幾年香港政府嘅決策,根本唔係講科學理據,完全係政治主導,相信 天文台 內部係忍咗好耐,所以李本瀅講政治其實係好激,跟住依家岑智明擺明表明薯粉身份,明知林鄭月娥就上台都玩啲咁嘅嘢, 天文台 失控可以講係唔尊重技術官僚自己搞出嚟。試吓林鄭月娥起 天文台 飛腳,邊個幫佢預測天氣,靠中國果啲真話都唔敢講嘅氣象局,死得人多喇,邊個仲敢喺香港做生意至得㗎,香港 天文台 話晒有英國Met Office嘅優良傳統。

梁振英 打開咗潘朵拉的盒子,如果政府日後唔同部門同政治而互片,甚至出現日後選舉,A部門專出支持A黨嘅人,B部門專出B黨嘅人,邊個人搞出呢壇大頭佛,一定係梁振英。英國人公務員政治中立呢樣嘢,不單喺香港實施,亦喺英國本土實施,因為呢個係西敏寺政治體制嘅一部分,老練而中立嘅公務員,不單輔弼民選政府,更係一旦出現懸峙局面果陣,英女皇嘅最重要顧問,實際係last resort嚟。梁振英呢啲共產白痴,就嚟將香港搞到變亂葬崗。

發表迴響

你的電子郵件位址並不會被公開。 必要欄位標記為 *