何君堯-周浩鼎-min

何君堯斬埋 周浩鼎 一份有玄機

周浩鼎 被爆將俾UGL案調查委員會嘅文件,俾梁振英任改單醜聞,越嚟越有趣,資料來源係立法會秘書處,固然有趣到爆。只不過,連何君堯都出刀斬埋 周浩鼎 一份,果吓更有趣。 周浩鼎 應該意識到乜嘢叫俾人起尾注,投共係可以好牙煙。

何君堯收咗風就斬埋 周浩鼎 一份

喺一眾土共隱形嘅情況下,何君堯大可隱形落去,反正佢喺法院影相果鑊都膠到極點, 周浩鼎 膠,何君堯都唔弱,雖然都係律師。但依家何君堯竟然係主動要出嚟投訴 周浩鼎 ,泛民果刀就何君堯斬埋一份,平常何君堯唔會咁做,點解呢鋪佢咁勇,相信大家都唔會預期何君堯係良心發現,或者變咗法律超人,呢啲西環契弟,隨時收到風,知道呢啲埋伏行動,因此, 周浩鼎 同梁振英中伏之後,就乘機抽水斬多兩刀,順便向梁振英啲對象獻吓媚。呢班土共擦鞋仔變臉速度之快,由呢次 周浩鼎 事件都可見一斑,只要同權力接近,要佢變太監都得。

由呢度可以見到,呢次暗算 周浩鼎 行動,好可能係中共權鬥一部分,林鄭月娥要自保權力,而中共就順便鏟除梁振英同埋佢喺北京嘅後台老闆,對香港政策嘅基本影響。所以由何君堯嘅講法,間接證實咗,呢次陳維安好可能係向林鄭月娥投誠,其至呢次事件,係中共權鬥嘅一部分,大家都知中共全國十九大嘅人選安排,至今都殺到唔清唔楚,你以為投共好安全,你肯定知道中共邊個派系最把炮?投共揀錯位,一樣可以慘死收場,而 周浩鼎 呢次,都好明顯會死得極慘。

當然, 周浩鼎 果種慣性疏忽,亦係佢呢次被人揀中,斬到七孔流血嘅原因。喺2016年,好多人就投訴 周浩鼎 處理東涌居民權益不當,佢自己係新世界集團嘅人,但 周浩鼎 喺區議會上,完全無利益申報,事後傳媒比照過啲文件,至知道 周浩鼎 果種不避嫌去到乜程度。當 周浩鼎 上得山多,以為無老虎咬佢果種,就成堆獅子老虎出嚟,將 周浩鼎 同梁振英,變成另類最後早餐。一個咁無利益申報意識嘅人,仲走去學人做代議士,呢次慘死,有時真係天網恢恢,疏而不漏,一如香港啲鷹,居然會襲擊警察嘅,有時有啲報應未出現,其實只係時辰未到。

發表迴響

你的電子郵件位址並不會被公開。 必要欄位標記為 *