隆新高鐵

隆新高鐵 搵埋港鐵所謂何事?

有消息指,中國搵咗港鐵合作投標 隆新高鐵 ,以中國一向搵香港人笨多於一切嘅性格,唔會無啦啦搵港鐵合作咁筍。相信呢個同一地兩檢嘅問題,以及納吉要游說新加坡方面接受由中國公司負責工程有密切嘅關係。馬來西亞人民,應該睇實呢個老鼠首相。

隆新高鐵 隨時係納吉吸水機嚟

先喺香港角度, 隆新高鐵 搵埋港鐵,可能係用嚟說服香港人,香港人可以利用中國嘅高鐵技術走出去搵銀,藉此游說啲膚淺得個錢字嘅香港人支持一地兩檢方案,當然,呢招唔多work,因為唔知幾時 隆新高鐵 至叫起好, 隆新高鐵 有無錢賺都係疑問,有時,廉航提供新加坡-吉隆坡之間嘅航班幾可以平到幾十蚊港紙,你話俾我聽起高鐵有錢賺,呃人都搵第二樣喇,仆街。

由南洋角度, 隆新高鐵 我相信新加坡果邊係有自己睇法同方案,新加坡方面會希望用日本新幹線技術,多過用中國啲不倫不類技術,因為新加坡自己就算買英、法、日一流硬件,SMRT同SBS Transit都成日炒粉,如果用中國硬件,仲要同馬來西亞呢個硬膠輩出嘅國家合作,大家諗吓仲唔係大災難?用日本新幹線技術,至少日本可以用台灣高鐵嘅經驗,克服熱帶國家嘅問題。

但由首相納吉嘅角度,由日本人做邊可能有水收?所以中國果邊,一定喺黑錢問題上高度配合,但又要配合新加坡果邊嘅憂慮,而新加坡政府一向好相信港鐵公司嘅表現,所以中國政府係計過咁樣係最好,所以至拉埋港鐵公司。況且 隆新高鐵 一定涉及炒地皮嘅問題,唔通由雅居樂去sell樓盤咩,港鐵公司嘅樓盤喺香港係信心保證,仲唔係搵埋港鐵做發展商咩,論發展地皮,JR東海、JR東日本幾時都唔係港鐵呢皮。

當然,由南洋人嘅角度,由安全角度,由反貪污政府收水嘅角度,我都係寧願日本人做,如果港鐵自己獨資做,用歐洲或日本技術,我都唔反對,但如果用中國果啲東抄西襲,安全成疑嘅技術,咁費時喇,又唔安全,而且搞得唔好,變咗一馬第二,一馬件事仲未膠夠?馬來西亞首相納吉係一個點嘅人,大家心中有數,香港人唔應該淌呢淌渾水。

發表迴響

你的電子郵件位址並不會被公開。 必要欄位標記為 *