周浩鼎-道歉-min

周浩鼎 嘅假道歉最無恥

周浩鼎 喺UGL案柒,呢個已經大家公認,因為錯誤低級到匪夷所思。只不過, 周浩鼎 依家所謂嘅道歉聲明,不單反映呢條友做嘢粗疏,而且係知法犯法一級嘅無恥,如果話 周浩鼎 最無恥,呢句口號都幾匹配佢入咗果個禮義廉政黨。

周浩鼎 無理由唔知佢嘅做法有問題

無理會到政治觀感,做法唔周全呢啲講法,其實係好標準嘅民建聯式講法,基本上梁振英同民建聯成員犯錯,都會攞呢啲劇本hea公眾嘅。只不過,hea還hea,呢啲講法,用喺黃國健呢啲老土共或者仲用到,果啲人畢竟係大老粗,英式嘅利益衝突原則,佢地識條鐵。但 周浩鼎 係倫敦政治經濟學院嘅畢業生,仲要係做過大公司嘅in-house lawyer,你同我講你唔知自己做緊乜,我相信 周浩鼎 都知,一般涉及律師或者執法人員嘅案件,法官一般係會判重啲,以無知為理由求情係一定唔接納,因為律師或執法人員都係受過法律訓練,知法犯法,罪加一等,呢個只不過係常識嚟。所以 周浩鼎 呢個道欺,根本係當公眾係傻嘅,呢個係不切不扣嘅假道歉,如果泛民唔追殺民建聯同 周浩鼎 到天腳底,係有負公眾期望,向廉署舉報係第一步,但泛民仲有好多步要做,迫呢位知法犯法而毫不悔疚嘅政客落台。如果 周浩鼎 咁都得,以後真係乜怪事都會發生。

當然,我唔會教 周浩鼎 或者土共用pdf做final version嘅做法,但 周浩鼎 交俾立法會嘅文件唔做成pdf,我個人係驚訝,Word變pdf唔難,喺Mac OS X嚟講,係系統標準功能,軟件都唔駛安裝。但交文件一定係pdf,因為pdf有保安功能,防止文件被人亂改,甚至唔俾人print,以及防止其他保安問題,確保文件內容嘅真確性,唔好話律師,好多商業機構都知,甚至我懷疑 周浩鼎 平日執業上都用到呢個功能,所以我甚至懷疑呢份softcopy出現,係表示係梁振英嘅聖諭,其餘議員咪多聲氣,梁振英應該有一套電話以外傳達政治信息方法,指揮土共議員,但估唔到陳維安掌管嘅秘書處起 周浩鼎 同梁振英尾注,所以搞到今日咁嘅田地。

發表迴響

你的電子郵件位址並不會被公開。 必要欄位標記為 *