周浩鼎-彈劾-min

彈劾 周浩鼎 並非無可能

周浩鼎 任由梁振英改UGL案嘅submission膠爆之後,依家可以考慮嘅問題,就係用唔用《基本法》彈劾議員嘅條文,搵夠三分二嘅票彈刻 周浩鼎 ,由於 周浩鼎 係超級區議員,所以一旦 周浩鼎 落馬,佢嘅結果係引發全港公投,可大可小。

周浩鼎 係有可能被彈劾

表面上, 周浩鼎 好難被彈劾,因為泛民得廿七張飛,而理論上,保皇黨一定會反對議案,所以就算加埋最憎梁振英嘅田北俊系自由黨嘅飛,都未必夠通過彈劾嘅票數,更何況依家泛民少咗兩位國會議員。

只不過,如果呢次 周浩鼎 被玩,係林鄭月娥鏟除梁振英勢力行動嘅一部分嘅話,依家嘅形勢係好玄嘅,因為隨時有部分土共會轉軚,認為 周浩鼎 需要離開議會,至少工聯會班友都唔係同民建聯同一個立場,至於經民聯,講真,呢班友都係風向做人啫,你估佢地真係會同梁振英做人世。經民聯之所以出現,因為呢班友本來就係自由黨嘅騎牆派,聽咗中聯辦嘅老點之後自己組織出嚟,得梁美芬係由頭到尾係中聯辦啲走狗。所以,如果鏟除 周浩鼎 有著數嘅話,佢地係有可能投支持彈劾嘅一票。

其實最終 周浩鼎 會唔會因被彈劾而議席不保,大家睇吓謝偉俊落注邊度,應該有啲啟示,謝偉俊身為UGL案調查委員會主席,佢條友至今未正式對 周浩鼎 膠爆事件表過態,佢作為律師,又做過大狀,佢一定知 周浩鼎 呢鋪會膠爆,只不過,法律一回事,對謝偉俊呢啲人嚟講,政治係另一回事嚟。如果謝偉俊都高調出聲,認為 周浩鼎 有問題嘅話,泛民不如諗吓搵邊個出嚟補選好過。

但我依家比較怕,泛民因保住四件左膠唔被DQ,而答應唔郁 周浩鼎 ,對我嚟講,用四件左膠換一件 周浩鼎 落馬,某程度上都係值嘅,因為左膠喺香港係問題多於實際,只不過,如果四件左膠肯喺游蕙禎、梁頌恆案上改變立場嘅,我覺得泛民保果四條友,仲有少少理由嘅。依家真係考泛民智慧。

後話: 周浩鼎 又話自己係House of Cards嘅擁躉,點知咁都可以中陳維安埋嘅伏,我只能講,有啲人嘅政治能力係有限,唔係睇得多 House of Cards或莎士比亞劇就識政治實務操。

發表迴響

你的電子郵件位址並不會被公開。 必要欄位標記為 *