周浩鼎-秘書處

周浩鼎 中伏背後嘅暗戰

周浩鼎 傻到連特首辦嘅修改文本都無刪,就成份submission照掟上去,膠到無朋友,呢個係公認。只不過, 周浩鼎 硬膠之所以被篤爆,係因為立法會秘書處覺得件事好唔妥,所以就將件事攞出嚟講,當涉及立法會秘書處,成件事就有暗戰味道。

周浩鼎 變成陳維安嘅投名狀

大家都知,立法會秘書處係唔公正,而且喺陳維安管治下,極之仆街,大家睇游蕙禎、梁頌恆國會議員宣誓事件可見一斑,所以正常嚟講,梁振英批註過乜,應該經常出現喺秘書處嘅soft copy度,只不過陳維安一直以嚟都視而不見。但依家係抽 周浩鼎 關於UGL事件嘅submission,仲要係涉及即將卸任嘅行政長官梁振英,乜陳維安唔係應該要力撐民建聯同梁振英,突然起義掉轉槍頭,好唔似陳維安嘅作風。

周浩鼎 中伏 呢件事,唯一合理解釋,就係 周浩鼎 基本上係陳維安嘅投名狀,一個做過副局長嘅人,點會甘心做立法會秘書長呢個位,至少都升做局長至過癮,而如果陳維安可以利用職權,幫林鄭月娥鏟除政敵,對陳維安升做教育局局長,接依家吳克儉嘅位,都應該有啲幫助,所以 周浩鼎 雖然係蠢到中伏死,但如果無著數,唔會無啦啦有人咁放冷槍,未計清楚就向土共放槍,除非係泛民或者獨派啲狙擊手,否則係會死得好慘。因此,呢次陳維安係有目的,有意圖咁向 周浩鼎 放冷槍。

對民建聯親梁,或者唔力撐林鄭月娥果啲派系嚟講,依家佢地人人自危,隨時一個唔該做漏step,做錯step,就被人放冷槍,死咗都唔知乜嘢事。呢個就係中國人治下嘅香港政治,情節其實唔好得過 House of Cards太多,爭在未有涉及女人嘅政治謀殺,所以王維基以House of Cards為藍本,拍咗套選戰出嚟,雖然劇本明顯係爛鬼咗尾,但毫無疑問係有遠見,因為依家香港已經出現咗冷槍政治,放人冷槍搞政治暗算係唔駛擇日,呢啲梁振英當年上台玩開嘅陰濕招數,依家林鄭月娥嘅支持者,一五一十用番嚟起梁振英尾注,呢次狗咬狗真係搞到香港一地花生。薯片叔保持政治能量,都唔係無理由嘅(正所謂,做政客做上癮)。

發表迴響

你的電子郵件位址並不會被公開。 必要欄位標記為 *