周浩鼎-UGL

周浩鼎 只不過係梁振英嘅一隻狗

梁振英同 周浩鼎 有乜關係,本來大家都唔知。只不過, 周浩鼎 同梁振英都唔知依家Microsoft Word改文件係可以追蹤番晒啲紀錄,梁振英沙膽到,竟然喺 周浩鼎 即將呈交立法會調查委員會嘅文件度改嘢,呢次醜聞 周浩鼎 唔辭職問責都唔得。

周浩鼎 係梁振英一隻唔識做戲嘅狗

周浩鼎 依家咁做有幾大鑊,大家諗吓,依家警察查緊一班賊佬偷嘢,點知警察份調查報告,被告有份寫嘅,你覺得仲有乜公正公道可言?梁振英,依家真係連做戲扮公正都費時,公然干預立法會行使調查權,簡直係黐線到無朋友。

周浩鼎 作為一個曾經喺大公司撈過嘅律師,應該知道Microsoft Word係有追蹤功能,而且呢個功能係商界相當常用。要做吓嘢, 周浩鼎 copy and paste啲文字,然後用一份新文件檔案交咪得,好明顯,呢個政府做嘢係連做賊都粗疏過人,而且唔會覺得自己係羞恥,果吓至得人驚。總之依家梁振英就係有權有勢,反正保皇黨會私相授受,香港人又唔覺得有問題,班友可以講會持續亂嚟到底。

不過梁振英呢次自己都蠢爆,因為呢份嘢一曝光,香港人更加有理由相信,梁振英係會干預廉政公署嘅獨立調查,連立法會都出現有 CEO 朱批嘅文件,更何況廉政公署,呢次可以講人贓並獲,林鄭月娥政府上台後,如果想重建一下自己嘅公信力嘅話,應該用呢份文件為理由,要求廉政公署進行不偏不倚嘅調查,將梁振英落鑊。如果土共仲想保住少少面子嘅話,就應該退出UGL調查委員會,由泛民自己全力跟進,否則真係搵鬼信呢班土共唔係梁振英隻狗,而且 周浩鼎 呢個做開律師都會犯錯,我幾想知道其他土共議員嘅submission softcopy會有啲乜嘢人批閱,會唔會喺 CEO 外,仲有中聯辦班友嘅朱批,件事一定會越嚟越有趣。

依家政府文件嘅softcopy會突然好有新聞價值,因為啲文件由邊個改過睇過,將會係研究香港政治權力實際掌舵人嘅重要線索,我真係留名食花生,想知有乜人會對乜嘢立法會議員嘅文件,作出點嘅朱批,呢件事實在太有趣。

發表迴響

你的電子郵件位址並不會被公開。 必要欄位標記為 *