LAN線-追兇-min

LAN線 可以吊頸:科學實驗證實唔得

LAN線 可以自殺,呢個講法令人難以置信,但盧偉聰做賭撚,連自己個名都攞去賭,依家需要科學實驗證明, LAN線 係自殺唔到嘅,呢個實驗應該係傳媒,或者好似盧覺強、曹宏威呢啲成日有鏡頭就蒲頭嘅友仔出面,只不過無人做,結果IT界選委Charles Low 直播實驗,證明 LAN線 根本唔可以吊頸自殺嘅。

實驗證明 LAN線 自殺論根本係一派胡言

呢個世界,有實驗就有真相,而Charles Low嘅實驗好清楚,以受力嘅角度論, LAN線 根本好難用嚟作自殺用途,如果可以將 LAN線 打兩圈,咁長嘅 LAN線 入咗臭格無人發現,都真係天下奇聞,香港警察可以考慮宣布執笠。所以依家喺科學實驗之前,請香港警察搵專業人士證明一次, LAN線 可以用嚟自殺嘅,否則頸上面有繩狀嘅痕跡,唔係證明 LAN線 可以自殺,而係指向另一樣嘢,警署裡面有人誤殺或謀殺個疑犯,即係呢單唔係自殺案,而係誤殺案或者謀殺案,似乎命案呢家嘢,遠遠嚴重過hidden agency搞騷,甚至係姦劫案。喺警署搞出強姦案已經好離譜,而警署搞出謀殺案或誤殺案,就已經去到目無法紀嘅地步,香港警察真係淪為有牌爛仔。

所以,依家公眾急需警方提供閉路電視影片,去證明警方同之前政府派出嘅消息人士講嘅嘢係啱嘅,否則就肯定係一派胡言,呢種公然講大話嘅行為,香港公眾並唔會放過盧偉聰,一係警方儘快承認單嘢係一宗誤殺或謀殺案,至少公眾仲會對警隊有少少信心。否則係咁好似神探伽里略個湯川學咁做科學實驗,篤爆政府啲大話假話,呢個警隊唔信用破產就出奇。試吓將段片俾啲藍屍同五毛睇,我睇佢地可以點駁,唔通中國人可以重新發明物理定律,或者地球上嘅物理定律,並唔適用於中國人?自然定律就係自然定律,唔會因某啲人而特別得到豁免。

我希望傳媒攞住Charles Low段片問警方,唔可能任由政府班友不了了之,搏公眾唔記得咗,就可以側側膊,唔多覺至得架。 LAN線 吊頸呢樣嘢,真係荒謬到一個點,依家嘅年青人,可以自己做完實驗喺新媒體發表,你以為用消息人士愚弄公眾有用呀,收皮喇。

發表迴響

你的電子郵件位址並不會被公開。 必要欄位標記為 *