北韓導彈-min-2

北韓導彈 射近海參崴食咗豹子膽?

北韓導彈 又發射,金正恩果然言出必行,話定期射導彈就真係射導彈,只不過,呢次射嘅目標比較奇怪,接近海參崴嘅水域。換言之, 北韓導彈 呢個落點有玩嘢意味,因為海參崴係俄國嘅重要軍港,俄國佬係唔容許係金正恩亂咁玩到呢個程度。普京唔係習近平或者特朗普,喺美國同中國都唔反對嘅情況下,俄國係堅會出手打柒金正恩。俄國人知道朝鮮半島並唔適合控制,但唔代表俄國佬可以容忍金正恩亂嚟。

北韓導彈 另類示好?

金正恩應該知道, 北韓導彈 咁射法,係會射出硬膠,食豹子膽都未至於射到呢個程度。但呢次冒險行動,有可能係另類示好,而且示好對象唔係文在寅,因為俄國近十年已經係親南韓親到出晒面,係唔方便賣埋武器系統俾南韓咁解,但俄國遠東地區班友何等歡迎南韓人係有眼見,對俄國嚟講,日本養唔熟,但南韓係不妨示好,呢個係戰略上好唔同。所以,依家 北韓導彈 一方面要嚇日本,唔好出咁多聲, 北韓導彈 可以射到東京、京都、大阪等重要城市,但另一樣嘢順便顯示一下,如果要搵東線抗俄嘅盟友,不妨搵北韓,加強美國收買北韓嘅可能性。

大家要知道,當初越親共嘅共產國家,一旦親美亦都會最親果啲,好似阿爾巴尼亞就係例子,六十年代同毛澤東稱兄道弟反蘇修,依家差唔多係歐洲最親美國家之一,仲要係回教國家,簡直你諗都諗唔到,上世紀末,黑山同塞爾維亞仲因為科索沃問題同美國開片,依家黑山入咗北約,下個月係正式會員,而塞爾維亞都積極申請加入歐盟,雖然塞爾維亞想維持軍事中立,但隔離果兩個歐盟成員國克羅地亞,同斯洛文尼亞都係入咗北約,黑山又入北約,塞爾維亞都幾難唔入北約,其實承認科索沃獨立都係遲早問題。所以,如果北韓突然親美,中國同俄國兩個國家都咪話唔驚,喺海參崴對開水域嘅 北韓導彈 ,正好反映金正恩依家喺無飯開,同軍事政變危機之下,佢打緊係乜嘢算盤。特別金正恩係留學瑞士,本身對歐洲狀況有一定認識,歐洲果啲玩膠嘅玩法,你估金正恩唔曉咩,特別又要喺法德兩語共用嘅瑞士留學,佢自己打緊乜算盤,其實都唔難估。

發表迴響

你的電子郵件位址並不會被公開。 必要欄位標記為 *