梁愛詩-炸高鐵-min

梁愛詩 話炸高鐵站:北京俾番公帑香港人,隨便

梁愛詩 喺高鐵香港總站一地兩檢問題上,好明顯同張曉明一樣暴走緊,竟然話一地兩檢問題搞唔掂嘅話,就炸咗高鐵總站算數。 梁愛詩 呢啲死土共,果然喺政治上,同香港人一啲交集都無。如果了解當年反高鐵市民嘅訴求,梁愛詩根本講唔出要炸咗高鐵站起過呢番話。

梁愛詩 根本唔知香港人唔要高鐵

最初反高鐵運動興起果陣,都係講緊不遷不拆菜園村,啲左膠係將成件事集中喺菜園村,唔理高鐵係幾有問題,而傾向港獨果啲反而清楚,一係唔要高鐵,最勉強嘅方案,都係起到錦上路,因為對香港人嚟講,中國高鐵一啲經濟效益都無,香港納稅人要俾一大筆錢,但最後港鐵公司所得甚少,所以根本係搵笨工程嚟,甚至有可能只不過係解放軍運兵用,最終係用嚟屠殺香港人民,再加上中國高鐵安全紀錄太爛,所以至引發反高鐵運動,搞到鄭汝樺等賣港鐵倉皇離開立法會,好似做賊一樣。所以,對於當年反高鐵嘅人,高鐵係香港人唔想要,只要將用咗喺中國高鐵果千幾億公帑歸庫房,你 梁愛詩 要炸隨便,炸一百次都得,整個爆炸主題樂園,收十蚊俾香港人㩒掣炸一部分又得,點炸都可以,因為香港人根本唔想要。

香港根本唔需要高鐵,呢個睇法係好清楚明確,當然,唔搞一地兩檢,中國高鐵嘅路軌唔至於無用嘅,西九龍總站可以作為現時九廣鐵路新總站,九廣鐵路直通車部分,改行新路軌,反正都係1435mm標準軌距,只不過列車電壓可能要稍作提高,但唔會話要炸咗佢嘅。 梁愛詩 講得出炸咗佢呢句話,佢一定以為中國高鐵香港段係中央政府嘅恩賜,香港人會因為呢份禮物無咗失望, 梁愛詩 好可能投共投short咗,以為北京俾乜香港都係大禮,好似以往大清帝國恩賜啲禮物俾啲藩屬國一樣, 梁愛詩 呢種心態,正正解釋咗點解,香港人憎中國包埋憎土共,因為呢班土共根本係一班殖民地走狗,我指係中國殖民統治嘅走狗,當然 梁愛詩 呢啲老土共仲會天真少少,所以至講炸咗高鐵站呢番話。其他新派土共,就悶聲發大財,話你知高鐵站用唔用到,你死你事,反正佢地已經袋走咗香港人嘅公帑。

發表迴響

你的電子郵件位址並不會被公開。 必要欄位標記為 *