Wana-Decrypt0r-WannaCry-Ransomware

WannaCry 襲擊 : Windows 嘅問題

自OS X推出穩定版本以嚟,我就以用Mac OS X為主,而唔係Windows,理由唔係易用問題,或者Mac機特別靚仔,而係保安理由。而近日 WannaCry 襲擊席捲全球,微軟都要改變立場,為Windows XP推出保安更新修補漏洞,再一次證明, Windows 係一個好有問題嘅OS, Wannacry 呢件事可以提醒用家,係時候諗諗你用嘅OS。

Windows 太多負累造成 WannaCry

連 Windows XP 都會有 WannaCry 襲擊相關漏洞,其實你就知呢個漏洞,應該係 Windows 核心嘅一部分,而且係多年未郁過。喺未轉用 Mac OS X之前,其實我係一個唔信任 MS-DOS嘅人,我一早改用 Windows NT 以及 Windows 2000嘅理由係,Windows NT 同 2000 相對少死機(當時用咗已經算先進嘅32位元架構),同埋保安相對比較好,至少有部分病毒係埋唔到用 Windows NT 或 Windows 2000 嘅機身,加上 Windows NT 係企業級嘅作業系統,以當時微軟嘅定位,叫相對安全。只不過,一去到 Windows XP,因為太普及,同埋要顧及唔少Game迷嘅需要,結果好多 Windows 95, 98, Me年代果啲多bug到爆嘅嘢入晒嚟,喺商台封咪事件前嘅敏感時刻,基於保安上嘅考慮,我迫自己改用 Mac OS X,因為 Mac OS X嘅基礎FreeBSD係比Linux仲可靠,呢個保安顧慮,某程度上,係令我避免咗好多泛民中人遇到嘅保安災難。

當然,我相信hacker都研究緊針對Mac OS X甚至UNIX作業系統嘅綁架軟件,呢啲目標畢竟值錢好多,你講緊係server,一般大企業都好難唔俾贖金,但由於UNIX設計時嘅考慮,相信要一個hacker界天才入魔道至可能發生,但反之,如果微軟唔做好似當年蘋果由 OS 9轉到 OS X果種激進改革,重新用一個新kernel,呢個將會係全球用家嘅噩夢。但喺微軟未做正確決定前,經常backup重要資料去Amazon Web Services或者Google Cloud可能係唯一方案。

2 thoughts on “WannaCry 襲擊 : Windows 嘅問題

  1. 唔係話你錯, 不過咁講, 私人全MAC機冇問題, 話哂都係私產, 自家有錢就得

    問題係做生意, COST CONTROL好緊要, 老細用, SALES用都叫有個名目, 如果一般員工全數用MAC條數真係計唔掂, 而家出一部公司機, 連埋WINDOWS, OFFICE拉臣都係三四千, 三四千既MAC你出到都唔知做到乜啦

    就算出得起錢既公司而家都諗CHROME BOOK同THIN CLIENT, 田為去到咁大間公司又會有好多所謂專用既軟件, 做得專用軟件自然有好多要求, 你要係咁高限制既O/S上寫個CLIENT就好難

    所以一日唔解決到呢啲問題, 你講既全MAC化都只係會係社會既中高層發生, 人窮返學都要用電腦做功課, 佢哋既選擇都只有呢個千蒼百孔既O/S

發表迴響

你的電子郵件位址並不會被公開。 必要欄位標記為 *