金正恩

金正恩 賊佬試沙煲成功

金正恩 不斷係咁攞啲除咗射到中國,射到其他國家都唔知有無料到嘅核武同導彈,大家都諗到 金正恩 係發窮惡,但發窮惡可以得到乜至得,當中國好明顯同美國通力合作去制裁北韓,斷 金正恩 米路果陣。但由北韓嘅最新聲明,可以睇到 金正恩 某個程度上已經如願以償,對中國嚟講,依家好可能至係新一輪麻煩嘅開始,甚至後果唔會被美國同南韓合力滅咗北韓嚟得好。

金正恩 需要可以直接同美國講數嘅渠道

對 金正恩 嚟講,北韓要接觸美國嘅限制,並唔係所謂嘅核武,或者導彈,而係中國,以及南韓。南韓由於以韓國正統政府自居(事實亦係),所以美國有乜事關於北韓,南韓都好極力想參與其中,甚至攞到主導權。美國要撇甩南韓嘅限制,相對容易。但另一個比較難,就係同 金正恩 打交道係必須經過中國,某程度上,中國係北韓嘅宗主國,中國同北韓嘅關係,係類似大明帝國,或大清帝國政府,同朝鮮王國李氏王朝嘅關係。簡單嚟講,就係藩屬關係,或者係蘇聯同東歐果隻,衛星國同大佬之間嘅關係。如果呢個格局唔改, 金正恩 係好難主動問美國攞嘢,以若干條件,換取 金正恩 本人以及家族成員嘅好處,例如南北韓統一後, 金正恩 唔會因任內行為被清算,而 金正恩 家族所得到的財富,亦可以得到充分的保護,唔會被沒收。當然,中國唔會俾 金正恩 機會同美國講數,因為一旦講數成功,中國好清楚,中國東北部邊境會直接同美國勢力範圍接壤,而且美國有嘅係能力同錢,而中國一直都唔肯俾 金正恩 太多著數,呢樣嘢中國自己係心底有數嘅。

但由於依家特朗普喺強大壓力下,中國自己因支爆自身難保,除非中國同金氏王朝嘅親華派聯手,搞一場軍事政變推翻 金正恩 ,否則 金正恩 同美國正式接觸係已成定局,一旦朝鮮半島全境統一,中國係唔會有能力對付美國,台灣亦會因此而安全,因為一旦中國同西方國家有任何戰爭,北京都會好快受到戰火波及,除非北京遷都,依家唔再係冷兵器年代,首都咁近邊境並唔係一件好事,因為你唔會有任何戰略縱深可以走。屆時,中國只能考慮,就係遷都嘅問題。

發表迴響

你的電子郵件位址並不會被公開。 必要欄位標記為 *