醫管局

醫管局 不被信任只不過係香港市民信任崩潰嘅一部分

由於鄧桂思事件,好多市民都註銷器官捐贈登記,可以講係香港市民對 醫管局 投嘅不信任一票,係秀茂坪LAN線奇案後,另一單香港市民對現有制度投不信任票嘅事件。如果呢個趨勢持續落去,其實特區政府都唔駛點管落去,可以準備執笠。

醫管局 啲醫院剩番中國人會去?

其實就算 醫管局 個系統幾有問題,由於每日都有市民因自然原因需要器官捐贈,一如每日都有血友病病人需要新鮮血液製造嘅凝血因子一樣,捐器官同捐血都唔應該因此減少,但現實就是,市民怕自己嘅器官攞咗去幫 醫管局 內部管理失誤而埋數,所以選擇唔捐器官,呢個仲大鑊過因為市民對中國人嘅憎恨心理而唔捐血,呢種系統性信任崩潰咁玩去,絕對唔係乜嘢好事嚟。因為呢種不信任未必對啲官僚有所傷害,但會對一般市民,特別基層市民構成嚴重傷害。對於陳肇始呢啲離地準局長,出咗事關佢乜事,反正呢條友會唔會幫襯公立醫院,或者公立醫院啲人敢唔敢待慢佢本身,都係一個疑問嚟。有權有勢嘅人,可以用佢自己嘅政治權力,去令自己唔駛承受劣質施政嘅代價,呢個就係問題所在。

醫管局 警察等等,一個又一個接落去信任崩潰,香港治安同醫療水平越嚟越差,都係幾近肯定嘅事實,跟住進一步,就係其他政府系統崩潰,呢個亦係香港中國化過程嘅一部分,公務員或者想阻止,但梁振英同佢啲老友,以及唔少選擇同權貴合作搏升嘅公務員庸才,會將成個過程持續,除非香港嘅主權有重大轉變,或者有其他方法,可以阻止張曉明、梁振英以及其老友掌握香港政府,將香港政府腐化。

所以都可以好肯定係,好序無助嘅香港市民會選擇移民,因為香港並未到武力革命嘅世代,台灣二二八過後,台獨分子都要捱過相當長嘅低潮,依家至可以hack咗中華民國嘅國號同政體,叫做可以將權力掌握喺手,但都唔能夠清除國民黨果啲腐敗勢力,否則台灣就唔會有咁多唔合理嘅事,甚至有好似郭冠英一類以高級外省人為榮嘅人渣。我可以講,依家只不過係大批問題嘅開始,而遠遠未到結束嘅時候,甚至唔知幾時至可以撥亂反正。

發表迴響

你的電子郵件位址並不會被公開。 必要欄位標記為 *