盧偉聰-電腦線-min

盧偉聰 為乜要包庇秀茂坪警署班友?

盧偉聰 喺秀茂坪警署離奇死人事件後,終於回應記者,佢竟然確認案中死者係自己喺警署攞條電腦線自殺,而頸上有繩狀物體勒過嘅痕跡。 盧偉聰 嘅講法,同消息人士嘅版本係一樣,即係依家都可以肯定兩件事。

消息人士 = 警隊高層

  1. 依家可以好肯定,所謂嘅消息人士係警隊高層,甚至係PPRB班友,主要就係要令公眾相信,案中死者係自殺身亡。
  2. 警隊高層都幾肯定要袒護秀茂坪警署班友到底,至少呢個決定,係 盧偉聰 自己都上埋賊船。

咁問題出嚟,點解警隊高層要死撐秀茂坪警署班友到,明知依家新劇情漏洞百出,都仲要死撐落去,至少 盧偉聰 依家披露嘅新版本,已經出現兩個新嘅破綻:

  1. 乜叫繩狀物體?如果係電腦線,無理由係繩狀,係咪有人用過麻繩勒死過個犯?有無傷痕嘅照片可以向公眾提供
  2. 如果電腦線唔係LAN線,咁又係乜?USB線一定強度唔夠。都係果句,會變咗大時代丁蟹自殺變沖廁嘅膠劇情,甚至更膠,成件事根本係變咗唔可能。

呢啲破綻如果係消息人士講,啲人最多講消息人士唔知乜水,但依家係 盧偉聰 自己把口講出嚟,佢係用佢自己個朵,以及香港警察僅餘嘅聲譽押落去,呢場賭注未必大得好緊要,如果唔涉及一啲大人物,根本警方犯唔著要係咁冚隻大鑊去到呢個地步,雖然果幾個監管個犯嘅散仔都係會寫花晒個file,去到永不超生嘅地步。

我依家喺度諗,有幾個可能性,係 盧偉聰 要將件事明知荒謬成咁都要咁講落去嘅地步。

  1. 姦劫案嘅犯案人,根本係中國人,甚至係中國嘅高幹子弟,否則唔駛搵個慣犯咁頂包。
  2. 秀茂坪警署日後可能喺鎮壓政治犯上扮演重要角色,大家見到東九龍啲差人染紅有幾勁至得,所以呢班友做錯啲乜都要保住,日後呢班友喺鎮壓異已上面就會知恩圖報。呢個可能性,亦係最大,因為呢次有可能係捉錯咗個接贓嘅當強姦犯,呢個可能性係存在。
  3. 姦劫案犯案嘅真正疑犯,其實係東九龍警區啲人,呢件事一揚出去,仲衰過徐步高單嘢,所以要咁做。

盧偉聰 講得越多,單嘢就越可疑,睇嚟香港人仲可唔可以信警察,變成一個好大嘅疑問,因為大家至發現警察係咁做嘢。

發表迴響

你的電子郵件位址並不會被公開。 必要欄位標記為 *