通訊辦-min

通訊辦 變賣港辦

證監篤爆 TVB 實際控制權喺黎瑞剛手上,而且黎瑞剛好可能都只係白手套,實際控制人另有中國人,呢件事上面,證監將成個file掟俾 通訊辦 , 通訊辦 應該全力展開調查工作,甚至搵黎瑞剛去照肺,但王桂壎呢件梁粉桂治下嘅 通訊辦 ,完全係失職,話依家喺呢單嘢上落結論為時尚早,呢個 通訊辦 ,無論喺投資者角度,定係以市民嘅角度,都肯定係賣港辦,將香港利益賣俾中國人,係 王桂壎 治下通訊辦最重要嘅責任,簡直係失職。

通訊辦 應該係捍衛香港人利益至係

首先我市儈啲,用財經角度講,當證監認為TVB嘅股權交易,有可能觸犯《廣播條例》果陣,證監作為投資者嘅保護者,係有責任確保上市公司嘅重大交易,合符法律,特別TVB喺香港嘅業務係核心業務果陣, 通訊辦 依家嘆慢板嘅態度,其實係為對沖基金製造機會,一旦有人搞司法覆核,啲對沖基金仲唔沽到你TVB爆廠?所以 通訊辦 單係呢樣嘢已經唔合格。王桂壎唔係刑事律師,佢係一個熟商業法嘅事務律師,仲要做過香港董事學會嘅人,佢應該好清楚,依家佢嘅態度,其實為TVB嘅投資前景,帶嚟更大不明朗因素。

由香港人嘅角度,現行《廣播條例》禁止香港免費電視持牌人係非香港居民,因為呢個措施係防止中共最終控制香港嘅電視台同大氣電波,依家香港電台有一個頻道被挪用播放中央電視台果啲無人睇嘅政治宣傳仲唔夠呀。確保大氣電波喺香港人手上控制,其實 通訊辦 同埋佢嘅前身廣管局,過去二十年都失職,否則亞視呢個老牌電視台就唔會被王征玩殘。所以依家 通訊辦 選擇乜都唔做,其實係將香港人共有嘅大氣電波,拱手相賣俾中國政府,呢個亦係點解我一直以嚟,都追殺 通訊辦 嘅原因,因為 通訊辦 未有善盡捍衛香港人大氣電波妥善使用嘅職責,梁振英將 通訊辦 變成佢出賣香港嘅工具,話梁振英同埋佢啲朋友係Hong Kong version of Vidkun Quisling。我諗,講一條友係 Vidkun Quisling 惡毒啲,汪精衛都只不過奉行孫中山一直以嚟奉行嘅親日政策,但 Vidkun Quisling係不折不扣嘅人渣。

發表迴響

你的電子郵件位址並不會被公開。 必要欄位標記為 *