湯家驊 入行會:安慰獎一大份

江湖傳聞,因十一哥之名震江湖嘅 湯家驊 ,獲北京大力舉薦加入行政會議,成為泛民叛將中,少數加入行政會議嘅人。喺公民黨黨慶日傳埋啲咁嘅消息,真係攞景兼贈慶,好有果種統戰傅作義嘅味道,睇嚟北京想捧 湯家驊 做劉江華第二嘅味道。只不過,實際上,只不過係一份捧林鄭月娥上台成功嘅安慰獎,並無太大作用。

行政會議變咗人大政協, 湯家驊 入去有鬼用

喺中共嘅體制下,乜嘢國務院、人大、政協全部都係廢柴,真係有實權有用嘅,係各省嘅委員會,以及省委書記,正如中國最有權力,係中共軍委主席,連總書記都唔係,呢種實權唔喺制度上最高領導人手上嘅玩法,真係好有向日本學習嘅味道,我指係明治維新前,征夷大將軍嘅權力至係真係最大嘅一樣。喺英國人統治下,做行政局議員真係好把炮,你睇大Sir鍾士元,同埋李鵬飛果啲江湖地位就明,你無番咁上下入行政局都係搵啤搞,但依家,你睇葉劉淑儀,可以當行政會議係一啲自由出入嘅地方,田北辰直頭入都費時,就知呢個組織已經變得有幾廢。

依家 湯家驊 做唔到局長或者司長,如果真係一如傳聞所講,只係入行政會議嘅話,好多準備個屎忽賣俾中共嘅人會覺得,乜依家啲出手咁削架,雖然 湯家驊 係十一哥,但中共如果當佢係香港版傅作義,至少都要有劉江華、張炳良,甚至羅致光呢個級別嘅報酬,依家 湯家驊 所得嘅政治權力同成就,簡直不成正比,隨時 湯家驊 未必會獲得港區人大政協呢類位置可以做,啲人覺得自己嘅屎忽貶咗值果陣,就唔會將自己個屎忽賣俾老共,相信泛民裡面,對共產黨心存幻想,以為可以靠賣屎忽發達嘅人,應該諗諗自己嘅屎忽開咗花之後,究竟值唔值呢個價錢喇。咁辛苦將自己頭上嘅光環無晒,都係得個行政會議成員資格,呢份係葉劉淑儀咁cheap至要安慰獎,並唔係果啲立心投共嘅人理想嘅價錢。

我可以講,隨住支爆將近,以及土共嘅食慾越嚟越過份,賣屎忽係唔會發大達,果啲賣屎忽、賣戰友嘅友仔,係時候醒吓,做番啲喺歷史上正確嘅事,賣屎忽,從來都唔係乜嘢正確嘅事情嚟。

發表迴響

你的電子郵件位址並不會被公開。 必要欄位標記為 *