買鹹蛋無蛋黃-min

買鹹蛋無蛋黃 ! 香港搞邊科?

買鹹蛋無蛋黃 呢啲怪事,如果出現喺現代中國一啲都噁奇怪,因為除咗騙徒,乜嘢都係假,呢個亦係大批中國人喺世界各地狂搶嬰兒奶粉嘅原因,只不過,依家連香港都出現 買鹹蛋無蛋黃 嘅怪事,就可能反映香港制度喺梁振英嘅中國大 X晒政策下已經徹底崩壞。

買鹹蛋無蛋黃 嘅事喺香港絕少發生

買鹹蛋無蛋黃 嘅事,香港其實應該絕少發生,因為呢個有可能涉及食物安全或者假蛋嘅問題,蛋呢樣嘢一向喺衛生上係好敏感,以往香港公務員系統未崩壞之前,基本上,政府喺食物安全上,仍然會把關,至少董建華當政果陣,有陳方安生同曾蔭權睇住公務員系統,至少係盡忠職守,而曾蔭權自己做果陣,都唔會喺公共衛生或健康相關問題上妥協,所以就算係五豐行做主要入口商,都未至於公然喺街市買到無蛋黃嘅蛋咁恐怖,呢個亦係點解啲中國人,寧願喺香港買奶粉嘅原因,大家知道三聚氰胺奶粉嘅前傳大頭奶粉,一啲無足夠蛋白質成份嘅偽劣奶粉,就明中國人嘅恐慌係點樣嚟嘅。

但依家係相對少人食嘅鹹蛋出咗事,仲要啲奸商唔係先賣俾啲燒味鋪,因為燒味出現 買鹹蛋無蛋黃 ,一定俾食客鬧爆,所以喺雜貨鋪出現先,點知依家臨近端午節,食糭點可以無蛋黃,所以呢件事至揭發,至今海關同食環署仍然無顯著反應,呢件事實在有點兒那個。

買鹹蛋無蛋黃 表面好小事,實際上可以好大件事,所以呢件事上,係有必要要求食環署同海關回應,否則好快就會假蛋同假米流入香港,呢次無蛋黃鹹蛋好有賊佬試沙煲嘅味道,一旦假蛋同假米入香港,香港BB好快就準備要生腎石,因為三聚氰胺奶粉呢樣嘢一定嚟,呢個就係梁振英同張曉明要香港成為一個普通中國唔住得城市嘅陰謀,香港人已經搞到要開空氣清新機生活,因為中國嚟啲空氣質素實在太恐怖,如果食物都失守,後果就會十分之嚴重。

啲香港人成為以為討厭政治就會有好生活,呢啲人係白痴,好嘅生活必須要有好嘅政治去支撐,呢個係英國人治下嘅香港人生活水平遠好過中國嘅原因,但好似陳雲咁信奉儒家文化嘅人,信就係儒家文化中,愚弄群眾嘅一套,民眾喺政治上無角色,或成為扯線公仔,結果一定係人民自己受番。

發表迴響

你的電子郵件位址並不會被公開。 必要欄位標記為 *