hillsborough

姦劫案 如果喺英國出現會由邊個查?以 hillsborough 為例

有讀者提出,秀茂坪警署姦劫案疑犯死亡案,應該交俾New Scotland Yard查,林敏聰真係搞到New Scotland Yard好出名,只不過,New Scotland Yard只係倫敦警務處嘅綽號,其實佢同香港警察都似類近組織,只不過,England大部分警員都唔會好似香港咁佩槍,香港警察其實係一枝半軍事化隊伍嚟。如果姦劫案喺英國出現,其實參考番好多利物浦迷都一定會知嘅 hillborough 事件就知,呢個亦係點解監警會必須有獨立調查權嘅原因。

無ipcc獨立調查, hillsborough 真相永遠都搵唔到

hillsborough 係一單典型警方做錯決定,官官相衛,搞到the truth is out there 嘅案件,雖然當時英國制度尚算齊備,己經有死因庭聆訊,都要搞到用咗23年時間,至攞番公道,包括迫當時完全企喺警方一邊嘅《太陽報》道歉,當然後嚟大家就明點解《太陽報》咁撐警方,phone hacking嘅醜聞暴露咗英國警界同新聞界嘅醜惡關係。而令到 hillsborough 件事九十六名死亡被裁定非法被殺,其實係IPCC,亦即英國嘅監警會,擁有獨立調查權,可以自己將調查出嚟嘅結論掟俾Crown Prosecution Service,然後皇家檢察署由於係唔受政客控制,係獨立嘅公務員系統嚟,亦會做出公正嘅決定,至可以用咁多年時間去搵到真相。

所以,依家可以做,一係將成單案邀請英國IPCC派人調查,並且調查檢控與否,由律政司司長委聘嘅獨立資深大律師去做。一係香港監警會立即改組,炒晒啲梁粉﹖並且賦予監警會獨立檢控權力。

本來土共千方百計阻止監警會成員,曾蔭權嘔出個殘廢版出嚟,已經係好威,梁振英上台之後,搵番果啲好似錢志庸一類嘅梁粉入監警會,變咗監警會本身根本無發揮作用,喺七警案同朱經緯案都顯出監警會嘅無能,依家直頭連聲都無出過,好似隱形一樣,如果喺英國,ipcc一早主動調查緊單嘢,並且請晒相關警員飲晒咖啡,以及立即向法院申請命令,扣起晒全警局啲CCTV設備連影片,點可能好似依家咁?

大家依家明點解監警會必須獨立。

發表迴響

你的電子郵件位址並不會被公開。 必要欄位標記為 *