姦劫案-消息人士-min

姦劫案 疑點重重另一點:不合理地多嘅資訊

姦劫案 疑犯LAN線唔知點解死咗嘅案件,已經變咗日本式推理小說嘅案件。呢單案令香港人一日變晒神探金田七,真係好膠。但成件事搞到全香港金田七其中一個位係,點解 姦劫案 同疑犯相關嘅資訊會不合理地咁多,同埋消息人士不斷放完料又放料。

姦劫案 疑犯背景一般要提咗堂先報出嚟

一般嚟講, 姦劫案 疑犯嘅背景,公眾一定係最遲知,好多時係件案提咗堂之後,由公開法庭聆訊程序披露出嚟,所以一向打開刑事案嘅律師黃國桐質疑 姦劫案 點解有咁多疑犯嘅背景資料,呢個係極為合理嘅質疑,好可能大量同疑犯有關嘅資料流出果一刻,已經有問題,而唔係個犯死咗有問題,呢個亦係點解香港公眾變晒神探金田七後,第一個推論係有黑警犯咗案後,求其搵條友頂包嘅原因。

另一樣我認為唔合理嘅資訊,係大量Mr. Source放料,香港政府近年已經高度濫用「消息人士」呢個消息來源,雖然新聞工作者有責任同特權去保護消息來源,但大家都知「消息人士」往往就係政府官員,或者政府新聞處嘅人。政治事件用「消息人士」呢個玩法,我尚且理解,因為好多時「消息人士」有試水溫嘅作用,但依家 姦劫案 有乜好試水溫,除非實際案情根本唔係消息人士編出嚟嘅劇本,而且一單更為匪夷所思嘅案情,呢個亦係點解過去廿四個鐘,我對呢單案案情嘅睇法,自己都變埋陰謀論者嘅原因,因為不合理咁多嘅消息人士係咁放料,PPRB好少對一單刑事案件咁樣放料,除非根本係秀茂坪警署,或者東九龍重案組啲友仔自己放出嚟嘅料。

東九龍警區好可能已經變成警界黑洞,龍和道暗角七賊係嚟自東九龍反黑組,觀塘警區助理指揮官(刑事)涉及性騷擾女警員兼打人,近排又有總督察Rajindarpal Singh Pannu,又搞性騷擾搞到紀律調查,秀茂坪警署曾經亂拉過林淳軒參與魚蛋革命,依家又嚟咁嘅LAN線臭格殺人事件,如果香港黑警多,咁九龍東部各大警署就一定係黑洞,因為呢個好大機會係一個文化問題。而東九龍英裔指揮官史勿輝(Barry John Smith)好可能根本管理不善。

九龍東警界啲膠事,真係癲到一個點。

發表迴響

你的電子郵件位址並不會被公開。 必要欄位標記為 *