湯川学-min

搵 湯川學 嚟查秀茂坪警署離奇命案算

秀茂坪警署離奇命案,由個犯用USB線自殺,到用LAN線,到扯甩LAN線,RJ-45咁難扯都居然扯得甩。一切物理學解釋唔到嘅事,都發生晒,但政府無認真講過嘢,而消息人士就係咁編古仔,編到你想斬人。咁樣嘅情況,唯一解決方法,就係搵個 湯川學 出嚟,用最正統同經典嘅物理學方式,做一次實驗,去證明政府一大堆消息人士,根本係一派胡言。

用 湯川學 精神擊破警方消息人士

警方消息人士係咁亂放風,其實目標都好清楚,就係要公眾唔好再查呢單好可能涉及濫用酷刑嘅命案,我相信秀茂坪警署嘅警員,未必有心要殺人,但為求破案,特別慣犯好多時,會選擇不作一言,拒絕透露案情,為咗迫供打犯打死咗人,又有乜出奇,特別對住風化案,好容易會有人火遮眼。

如果有人嚴刑迫供死咗人,政府唯一可以做係交個警員出嚟,接受法律嘅處置,但依家好明顯,濫用私刑本身,係梁振英、張曉明政策嘅一部分,一方面將香港警察公安化,另一方面,亦要用呢啲暴力去作為鎮壓反對運動嘅力量。所以一大堆嘅所謂消息人士,隨時未必係PPRB,而係新府新聞處,甚至馮煒光呢啲人。所以唯一可以做,就係用學者嘅精神,將果啲完全挑戰物理學定律嘅一大堆胡說八道推翻,依家搞到好似日本果啲偵探小說,密室殺人案一樣。雖然我依家成個人身處日本,但都唔係諗住見到香港變成一個黐線到日本推理小說咁嘅城市啩話。

最終姦劫案嘅真正罪犯係邊個,呢個問題留番上帝去裁決,雖然有人懷疑係休班警,甚至係中國嚟嘅遊客。但如果依家疑犯係因為嚴刑迫供而枉死,嚴刑迫供本身係更大嘅罪案,因為呢個係以行公義之名,知法犯法行邪惡之事,而且侵奪法官嘅權力,呢個亦係點解我認為警察以為自己可以隨便用私刑果啲,係必須立即炒咗佢,如果有啲係淪為政權打手,好似依家仲未捉到,當年威脅要強姦陳巧文果個人渣,係直頭係要追到天腳底。

我依家就睇,明天果班編劇水平去到爛片級嘅消息人士,又會放啲乜嘢搵鬼信嘅匪夷所思消息俾大家聽,秀茂坪自殺疑案,the truth is out there。

發表迴響

你的電子郵件位址並不會被公開。 必要欄位標記為 *