牛頭角 姦劫案 疑犯可以扣留期間吊頸死咁奇怪

喺冚hidden agenda果日,牛頭角發生 姦劫案 ,由於呢件事,警方被人鬧爆,後嚟警方集中火力搵疑犯,終於搵到48歲嘅慣犯拉,點知呢位疑客犯竟然喺警署拘留期間吊頸自殺身亡,令成件事越嚟越可疑。

差佬點可能俾疑犯吊到頸?

一單咁受公眾關注嘅 姦劫案 ,照計警察扣留個犯期間,應該會落孖葉,食嘢果陣至會喺有警員看管嘅情況下鬆開孖葉進食,特別疑犯係慣犯,被指控嘅罪行又係案情嚴重,警察未必要驚個疑犯好似依家咁激到吊頸自殺,但怕個犯會試圖逃獄,一如好似葉繼歡果劑咁,都夠香港警察煩到爆,如果個犯外逃期間又嚟 姦劫案 ,唔好話俾犯走咗啲散仔,係連盧偉聰都要人頭落地,因為呢啲治安案件有乜責任,一定係警隊先孭晒,起動九龍東嘅問題,唔係個個市民會諗得咁通透。

所以呢次 姦劫案 疑犯臭格自殺案,實要開死因庭研訊,研訊果陣應該知道警方實際做錯啲乜,依家警察做嘢越嚟越粗疏,唔計啲當更警、休班警犯法競賽,唔計勞師動眾冚hidden agenda唔做正經嘢,只係呢啲走犯事件,已經夠公眾覺得香港人用大筆公帑養班咁嘅質素嘅警察唔知做乜,梁美芬仲好意思要求立辱警罪,係唔係警察不知自重疏忽職守都係犯辱警罪要收監問罪先,如果梁美芬係咁諗嘅話,可能仲好少少。

當然,呢單吊頸自殺案由於案情奇怪,所以陰謀論滿天飛,最常見嘅講法係疑犯被自殺,我相信玩被自殺嘅可能性唔大,因為香港始終有死因庭呢樣嘢,一旦喺死因庭有案情揚咗,啲前線警員跳海都唔掂。況且當公眾開始淡忘 hidden agenda 單嘢果陣,又玩被自殺,喚起公眾嘅記憶,咪講笑喇,我相信特膠政府啲人好膠,但未膠到呢個頂級程度,所以被自殺陰謀論係缺乏理據。只不過,呢個亦反映咗香港人對警察已經無晒信心,當晒呢班友係公安。只有公安至會唔理治安狀況,幫領導人拆遷搵銀再講, hidden agenda被冚檔單嘢,就有好濃嘅中國式狗官味道,所以至會令公眾認為, 姦劫案 疑犯自殺事件係香港版嘅李旺陽。香港警察形象淪落至此,又係誰之過?大家有眼見。

發表迴響

你的電子郵件位址並不會被公開。 必要欄位標記為 *