TVB-證監-min

TVB 真正大股東係乜水:令人疑惑嘅問題

TVB 股權重組,雖然避過咗一啲無厘頭到爆嘅反收購挑戰,只不過,啲一嘢一交到證監手上,就有意料不到嘅結果,證監喺5月10日發通告,無錯,係批准 TVB 大股東以Non-GO方式(豁免清洗)嘅方式進行重組,只不過,黎瑞剛果邊出咗麻煩,證監要黎瑞剛交代佢後面仲有乜嘢人,並且將資料掟俾通訊局,要求通訊局搞清楚,依家 TVB 班大股東,係唔係根據《廣播條例》攞夠晒啲exemption。

TVB 重組上面通訊局同梁振英過水過太多出咗事

如果黎瑞剛並唔係做國企老總,佢係一個好似馬化騰呢啲咁嘅人,睇落自己啲身家都係自己搵返嚟,就算有人用陰謀論懷疑黎瑞剛入主 TVB 啲錢喺邊度嚟,證監都唔會照佢肺。問題係,黎瑞剛根本唔係實業界,做得上海文化廣播影視集團嘅人,呢條友根本係上海市政府啲人,咁成個問題嚟,黎瑞剛啲錢邊度嚟,同埋佢直屬上司係乜水先,係國開行、上海市政府、中宣部定乜水,對投資者嚟講,呢個問題一定係問題,因為會嚴重影響 TVB 未來嘅資金來源,以及一旦中共權鬥果陣, TVB 會否受牽連,仲有,一個香港以外嘅政府部門,做香港私營電視台嘅大股東,呢個做法適唔適合,呢個亦係問題。大家記住,梅鐸真係自己接咗老豆間報館後,自己一蚊一蚊咁壯大,呢個中國梅鐸,唔係呢回事。

當然,依家梁振英指派王桂壎做通訊事務管理局主席,係要擔任通訊事務管理局喺呢啲問題上可以無惡不作,因為何沛謙畢竟係大狀出身,好多嘢係做唔出,始終會揸正做人,但王桂壎會唔會揸正做人,佢今天會唔會回應證監嘅挑戰,王桂壎做咗事務律師咁耐,又係董事學會資深會員,佢應該知道證監出得手,一定準備十足,如果通訊局堅持亂嚟,而證監會自己堅持睇法嘅話,通訊事務管理局將會死得十分之難睇。所以如果王桂壎真係一如佢上任果陣講,佢自己係講獨立思考,咁唔該通訊局喺呢件事上面,跟證監會建議做嘢,如果王桂壎考慮都係一男子因素,明知黎瑞剛唔夠稱都放水嘅話,睇嚟好快會有一場大風暴吹到王桂壎嘅頭上。

發表迴響

你的電子郵件位址並不會被公開。 必要欄位標記為 *