theresa may-min-2

Theresa May 如何帶佢老公亮相

相信大家都唔會否認,英國保守黨啲女政客都好強悍,戰後出過兩位女首相,一位係戴卓爾夫人,一位係 Theresa May。曾經做過內政大臣嘅 Theresa May ,她係極之強悍,相信大家都肯定。咁強悍嘅女首相,點帶自己嘅老公出嚟見面。林鄭月娥嘅做法,真係一直都未掂過,而 Theresa May 呢次大選,就示範正確嘅做法。

Theresa May 老公係識得見大場面

雖然 Theresa May 好強悍,但她老公其實係長袖善舞,見得人嘅banker,喺BBC One Show嘅表現,講鞋, Theresa May 展現佢軟性嘅一面,而佢老公亦係充滿笑容,同林鄭月娥老公嘅苦瓜乾口面,係相當之唔同。

當然,林兆波教授,作為一個代數璞拓撲嘅專家,呢樣抽象到連我都唔知佢係乜嘅嘢,你要佢好似銀行家咁談笑風生係有啲難,華人做學者好多都做到苦瓜乾咁,好少一啲經常講膠或派膠嘅學者(教中文嘅Ben Sir,係極少數嘅例子,但可能係因為Ben Sir專攻香港語文有關),但至少,可以俾番一定訓練林兆波教授去面對傳媒,同埋可以風趣一啲面對公眾,呢個亦可以有助佢喺學術層面推廣佢鍾意嘅嘢。如果林兆波可以借佢老婆個朵,可以用嚟推廣 STEM ,甚至令香港大學唔會殺咗果啲純科學學系,公眾並唔介意呢啲為 public good 而「謀得嘅好處」。

雖然我對林鄭月娥並無期望,但如果林兆波教授係熱愛數學,其實我當求吓佢,學吓點樣應對公眾,甚至點當「第一老公」,雖然要佢執著衫有啲難(我自己啲衣著都好有問題),但如果林兆波教授借林鄭月娥個朵,可以令公眾知道,原來純粹科學係重要嘅,好嘅學生願意入果啲學系,甚至令STEM相關嘅學系,可以喺攞UGC funding上少啲阻滯,其實都不失為佢學術生涯嘅另一種收獲,至少都叫幫到佢啲舊同袍。其實依家中大數學系嘅現況,我都幾敬重林兆波教授嘅品格,至少林兆波教授無諗過用佢老婆嘅關係,令中大數學系拎到funding,但以港大殺系嘅做法,我相信林兆波教授有必要出出手。

One thought on “Theresa May 如何帶佢老公亮相

  1. 「甚至令香港大學唔會殺咗果啲純科學學系……」
    應該喺殺主修選擇,不是殺系。 例如學生不能主修天文,但物理系仍開設天文課程,亦有做相關研究。

發表迴響

你的電子郵件位址並不會被公開。 必要欄位標記為 *