韓國總統選舉-min

韓國總統選舉 exit poll 點處理:新聞係要好好睇,有娛樂性

當然,韓國新聞有好多嘢都唔值得香港人學,例如幫權貴掩飾醜聞,所以依家 jtbc 新聞喺韓國享有好高聲譽。 jtbc 爆料嘅態度,香港一百世都學唔到。(jtbc嘅主播即係新聞部主管)。只不過,南韓三大台點樣吸引大家睇新聞嘅做法,係好值得新舊媒體人參詳,依家香港啲新聞,我自己真係覺得悶到一個點。

韓國總統選舉 :報exit poll報到似打機

大家先睇睇,SBS(漢城放送,三台唯一商營)係點處理

報 exit poll各地分析,好似打機一樣,係唔係好睇好多,而且夠晒清楚。呢啲就叫乜嘢新聞係fun and juicy,content 可以serious,但成個presentation唔代表一定要係沉悶而且唔清唔楚。大家明香港嘅商營電視台有幾hea未,料又唔敢爆,但CG又悶又唔清晰,咁我睇嚟做乜,呢個亦係越嚟越多人寧願喺網度睇新聞嘅原因,傳統傳媒嘅死,好大程度上,係不思進取加自我沉淪,咁就邊個都救唔到你。唔敢走爆料路線,又唔做好presentation,一味迎合長官意志,呢啲傳媒唔死都無用。

睇番公共廣播,公共廣播係有教育嘅作用,但都唔代表presentation一定要嚴肅到爆,KBS嘅做法,有啲抄2010年BBC Election night嘅opening,只不過,KBS搞到好似演唱會咁嘅做法,同埋極為清楚嘅CG,依然係好好睇,你試吓香港嘅電視台,做唔做到同一樣嘢。

如果講面對新媒體嘅競爭,其實南韓仲勁,朴謹惠嘅倒台,好大程度上同時動搖公眾對SBS、KBS、MBC三大台嘅信任,否則jtbc作為收費台就唔會收視暴升,同埋南韓嘅互聯網係十分之發達,主流傳媒不自重,南韓年青人要喺網上搵消息係好容易,但正因為呢種原因,所以三大台至少會喺presenation上落足功夫。你依家睇CCTVB、香港政府,用啲乜嘢態度。當然,香港人都係時候要做好新媒體,我停咗我自己嘅YouTube評論嘅原因,都係因為自己做得唔夠好,唔夠pro。依家啲讀者,唔係想睇啲山寨級嘅垃圾。

發表迴響

你的電子郵件位址並不會被公開。 必要欄位標記為 *