七一-維園-min

一男子決定唔俾七一去 維園 ,警方都頂唔住

七一唔准民陣用 維園 ,呢個一男子,同埋劉江華合力作出嘅決定,似乎連警方都頗有微言,警方話七一果日,民陣已經向警方通知會喺 維園 搞活動,但其他團體未,換言之,依家民陣係先到先得嘅乖仔,得到警方認證,但一男子仍然作出無理決定。

警方相信都寧願民陣七一用 維園

對警方嚟講,由於習近平訪港嘅警力安排已經極度緊張,所以喺實際做嘢嘅角度,都唔會認為安排民陣喺 維園 以外嘅地方係好事,如果果日搞出佔領銅鑼灣,反而係節外生枝,而且警方要特別排練點做亦有麻煩,相反,如果民陣照一貫安排做,一貫 維園 出發嘅方式,或者為咗應付梁振英,要阻礙隊伍前進,有啲火花,但大致上,警方嘅溝通機制以至劇本都係好清楚,唔駛煩,你依家未世界都無問題,一男子同劉江華,可能再加張曉明係咁亂做決定,如果我係警隊指揮官實媽爆佢,又要take care習近平,又要喺 維園 以外地方適應新玩法,新形勢,你估差佬好得閒,所以警方回應香港電台提問果陣,就講民陣係第一個已經報咗名用 維園 。

我依家咁睇,梁振英係唯恐天下不亂,如果北京唔制止梁振英同張曉明暴走,一定會沒有最膠,只有更膠,原本喺形勢上,對中共有利嘅政治厭惡症,會因梁振英玩膠而一掃而空,取而代之,係更大嘅憤慨,而依家北京好明顯唔知,有人係想香港未來幾個月亂七八糟,屆時林鄭月娥真係唔慌唔接番個廢墟返嚟管。依家梁振英嘅玩法,已經搞到成個政府都頂佢唔住,包括一向最捧梁振英嘅警方,呢個睇嚟都離政治現實都唔遠。

所以我話,林鄭月娥如果係有能力,可以嘗試同香港各界慶典委員會協調,佢畢竟係候任榮譽贊助人,只不過,大家留意香港各界慶典委員會呢班友,都係最惡名昭彰嘅土共嚟

執行主席 :鄭耀棠(香港工會聯合會榮譽會長)

執行副主席 :周安達源(香港福建社團聯會秘書長)      
簡松年(香港廣東社團聯會秘書長)           
陳仲尼(香港義工聯盟秘書長)          
楊漫綺(香港中華總商會秘書長)

呢班友想點,真係大家心照,沒有最人渣,只有更人渣,我睇唔到林鄭月娥有駕馭呢啲人嘅能力。

發表迴響

你的電子郵件位址並不會被公開。 必要欄位標記為 *