一男子-七一-min

七一 無得用維園:一男子決定

啲記者問政務司司長張建宗,點解 七一 無得喺維園出發,張建宗被問到口啞啞,雖然張建宗係一個廢人,只不過,如果佢答到,張建宗一定答你。依家 七一 無得用維園嘅原因,匪夷所思,如果照HKTV嘅經驗,好大機會又係一男子決定,即係梁振英嘅決定,林鄭月娥最好自己諗掂點拆彈,否則梁振英七一已經搵劑勁俾你嘆,你真係有排煩。

七一 本來無能量,一男子令佢有能量

本來今年 七一 係無人理,因為左膠亂咁屌票,再加上年年行禮如儀,力量欠奉,所以我懷疑有幾多人行都成問題,有四位數字嘅人去都偷笑,但梁振英好明顯係心理變態,大家越話C919唔得,梁振英就故意出多個blog post話香港應該要搞航空業,泛民同林鄭月娥仲要講大和解,梁振英就故意喺 七一 玩嘢,等你無得大和解,甚至連羅致光都放棄入政府嘅意圖,當呢個決定完全係獨斷獨行,任何人都未問過果陣,張建宗又點會答到記者,點解要俾慶「回歸」活動用維園,都唔俾 七一 遊行喺維園起步至得㗎。

土共其實都係一班失憶人士,2003年 七一 遊行之所以引發極大憤怒,其中一個引發憤怒嘅導火線,就係當時土共租咗六個場,但無人去,而 七一 遊行只用兩個場,但好多人都要入維園,俾當時葉劉淑儀睇香港人係唔妥廿三條。呢啲小動作,我依家相信係梁振英諗出嚟,因為呢啲十五年前都犯過嘅錯誤,竟然可以再犯一次,唯一解釋就係梁振英、中聯辦同土共果種唔服氣嘅變態心理,結果令件事火上加油,2003年 七一 膠到無朋友,2017年嘅 七一 ,都一樣膠到無朋友。

當然,熱城兩班扮激進嘅仆街,又繼續玩冷嘲熱設,當然,呢班粉腸係扮激進,所以只識得冷嘲熱諷,如果係真激進,一早攞呢樣嘢吹雞叫人去七一,屆時玩大係另一回事。我相信梁振英為咗滿足佢自己嘅變態心理,一定會繼續搞事,如果林鄭月娥想上任果陣風調雨順嘅話,最好就自己諗辦法拆掂呢件事,如果佢拆唔掂呢件事,我睇梁振英會越玩越興奮,直至林鄭月娥頂唔住辭職,跟住梁振英自己又赤膊上陣衝出去選都唔定,雖然呢個講法有少少天方夜譚。但普京都開過嘅先例,梁振英有著數之前照跟唔奇。

發表迴響

你的電子郵件位址並不會被公開。 必要欄位標記為 *