新昌-min

新昌 執笠危機

新昌 執笠嘅傳聞表面睇起嚟,係一單財經新聞,但其實對 新昌 啲業務有啲了解都知, 新昌 一旦清盤,後果極為嚴重,我睇有好多工程可以準備爛尾,而好多香港大廈嘅物業管理搞唔搞得掂,我自己都留有一個極大嘅問號,政客一定要及早應對。

新昌 依家負責一大堆重要工程

純粹根據 新昌 自己嘅網頁, 新昌 依家至少有份以下大型項目,睇嚟之前政府成日反拉布,好可能係 新昌 嘅中國籍老闆喺中國炒燶樓後,透過中聯辦嗌救命,所以係咁要政府撥水俾 新昌 ,但政府完全無向立法會交代過 新昌 嘅財政狀況

  1. 東九龍總區總部及行動基地暨牛頭角分區警署大樓
  2. M+ 視覺文化博物館
  3. 東涌第56區公屋發展項目
  4. 元朗前凹頭政府宿舍公屋發展項目
  5. 屯門第54區鄰近塘亨路及紫田路的土地平整及基建工程
  6. 高鐵建造合約編號810B-西九龍總站(南)

以上六大工程,全部都係涉及大筆公帑,我依家想知道,一旦 新昌 執咗笠,政府有無因應措施去收科嘅呢?東九龍總區總部無所謂喇,但其他果啲,政府有責任交代一下,究竟發生乜嘢事,同埋有無因應。

但更大問題係, 新昌 嘅子公司,新昌管理,依家公司大部分股權抵押咗俾金利豐,朱太係玩殻嘅,佢只會當殻咁玩,同埋 新昌管理同 新昌 之間有無啲隱藏古惑帳目,根本無人知,一旦 新昌 出事,香港好多物業嘅管理會唔會出問題,呢個就真係問題,我相信未必玩到挪用法團嘅款項,只不過,如果 新昌 根本係周轉不靈找唔到數,好可能好多物業嘅管理一夜之間出問題,但香港果啲業主立案法團嘅退休人士同師奶,一日到黑只係識得勾結X建聯,依家 新昌 睇嚟會出大事,X建聯會救你?睇怕X建聯救咗 新昌 先都唔會救你班友,我到時真係留名睇天下大亂。

新昌 本來間公司無乜事,如果係由葉家繼續管理都無嘢,不過葉維義寧願做芬佬好過(葉維義啲fund又okay,因為佢係惠理其中一個創辦人),依家班中國人,攞咗錢去中國炒樓,依家睇嚟 新昌 危機,隨時係支爆危機嘅一部分,你話支爆唔關你班香港人事,我可以講,一旦支爆,你住緊嘅「豪宅」有無人掃垃圾都成問題,你班友自己慢慢繼續支持共產黨。

發表迴響

你的電子郵件位址並不會被公開。 必要欄位標記為 *