紅十字會-捐血-min

紅十字會 唔該做番好捐血勸捐策略

紅十字會 處理血荒宣傳不當,不單無解決血荒,仲搞到港中矛盾大爆發。我研究過捐血嘅一啲基本知識資料,比較大阪日本赤十字社、台灣血液基金會同香港 紅十字會 嘅資料,其實依家 紅十字會 搞到血荒,一方面中國病人濫用香港醫療系統嘅問題,係必須得到解決。但另一方面,依家 紅十字會 嘅勸捐策略,或者處理捐血事務嘅策略,簡直係荒謬絕倫。

紅十字會 要好好處理捐血嘅人流

首先,大家要對 紅十字會 收集返嚟嘅各類血液製品嘅保存限期有個概念,我用番香港 紅十字會 輸血服務中心嘅資料,但我比照日本赤十字會,同台灣血液基金會嘅資料,其實都差唔多。

血液製成品
儲存溫度及環境
有效日期
全血
攝氏二至六度
二十八至三十五天
加添加劑紅細胞懸液
攝氏二至六度
四十二天
濃縮血小板
攝氏二十至二十四度在搖擺機下持續搖擺
五天
冰凍血漿
攝氏零下三十度或以下
三百六十五天
冷凍沈澱物
攝氏零下三十度或以下
三百六十五天

大家留意一下,全血只可以留廿八日,所以四月缺血嘅原因,好大機會係,三月本身收集返嚟嘅血液唔夠多,跟住四月超級多長假期,包括復活節同清明節,五月初就佛誕加勞動節變相又多一個長假期,而 紅十字會 一向假期捐血安排又差,叫人返工至捐血都夠膽死,結果就係一大堆血液過期,過期就要補貨,結果咪膠出事。當然,你依家叫市民大批去捐血,又係會造成浪費,所以台灣粉塵大災難果陣,台灣血液基金會試過叫大家唔好一窩蜂去捐,因為太多血液喺度都唔可以儲,過咗期就要拋棄,結果就係浪費善心。但香港 紅十字會 啲公關全部都係白痴,捐血相關嘅公眾教育從來都做唔好,加上醫管局做嘢透明度又奇低,結果咪係咁出事又出事。

所以香港 紅十字會 班關公,基本上都可以炒晒佢,因為喺公眾教育上做得太差,甚至啲資料同大阪赤十字社比,都差太遠。當然,最好既鼓勵捐血,又可以釋除疑慮做法係,每包血最後去咗邊,交代番俾捐血人,同埋捐血最大受惠者:血友病患者同捐血人士定期聚會,咁樣對建立穩定嘅血庫係重要。當然,唔好話俾我聽啲全血送去中國提供俾當地血友病患者,呢個做法會炒大車。

發表迴響

你的電子郵件位址並不會被公開。 必要欄位標記為 *