鄧桂思-min-2

鄧桂思 事件:擺明係人禍

呢排香港嘅民生問題,去到一個無稽而且令人憤慨嘅地步, 鄧桂思 因肝衰竭要換兩次肝,只不過 鄧桂思 嘅肝衰竭原因唔係 鄧桂思 體內嘅乙型肝炎病毒惡化,而係因為醫療失誤所致。換言之,根本有兩個可以用嘅肝,浪費喺聯合醫院啲庸醫手上。呢單嘢,毫無疑問係人禍,依家要睇醫管局同政府,最後要點收拾殘局。

開放英聯邦醫生咪天下太平

呢單野嘅技術上原因,就留番醫管局交代,但制度上嘅原因,並唔係無得解,香港醫生人手一直緊張,依家左膠要香港無限量收中國人,但好似醫生等人手,唔可以無喇喇石頭爆出嚟俾香港人,所以公立醫療系統係超負荷狀態,當工作超負荷果陣,診斷錯誤係無可避免,爭在個錯誤有幾大單咁解。

本來要解決問題嘅方法,叫做中間落墨,就係適量開放指定英聯邦國家,加指定美國州份醫生執照持有人,或學位持有人,可以喺香港執業,咁係可以某程度上,紓緩香港醫生人手緊張,又能保證香港醫療質素不變,但中聯辦班仆街自己有私心,想啲高幹子弟嚟香港執業,想乘機開放中國醫生嚟香港執業,中國係一個充斥黃綠醫生嘅國家,呢個問題基本上係無得傾,因此造成咗僵局,因為人手唔夠,有人疏忽處方類固醇,但唔記得同時處理抗病毒藥物對付潛伏嘅肝炎病毒,結果依家搞出大頭佛。仲未計點解血液裡面有抗生素處理唔到啲念珠菌,究竟果啲菌邊度嚟,似乎都要交代一下,因為中國擺明係濫用抗生素黑名單頭幾位國家嚟。

香港民生一直惡化,就係因為香港政府施政,唔係以香港人利益優先,而係以中國人利益優先,次次都想搏懵借香港民生問題過橋,輸送利益俾中國人,結果一係好多改革無法進行,因為怕中共夾帶私貨,一係好多應做嘅改革,政府故意唔進行,因為呢啲改革對中國一啲著數都無,呢種人禍繼續循環落去,香港就嚟變得唔係人住,當然離地嘅左膠,係唔會知問題幾嚴重,寫得出九唔搭八新詩嘅人,有幾貼地,頭腦有幾清醒,其實都唔難理解。

但無論如何,對醫生人手短缺暫時止咳做法係引入英、加、澳、紐、新、美嘅醫生,但中國醫生,no way,please。

發表迴響

你的電子郵件位址並不會被公開。 必要欄位標記為 *