hidden agenda-釘契-min

冚 hidden agenda 背後嘅 hidden agenda :阻住林鄭發財大計必死

政府動用異於尋常嘅警力去冚 hidden agenda ,我一直都好懷疑當中目的,因為 hidden agenda 作為一個 live house,無十分之高調投身遮打革命,又唔係本土派大本營,而且得罪音樂人喺國際形象上嘅傷害,隨時遠大於政治,點解政府要咁做,如今地政總署決定要釘契,呢件事就真相大白,就係起動九龍東呢個project,將九龍東變成新CBD炒起地皮決心絕不動搖,任何文青想加以阻止,通通都要讓路,發財永遠第一。

冚 hidden agenda 後面嘅中國推土機邏輯

我本身,其實係比獨媒班左膠更加早研究拆遷問題,以及由拆遷問題所觸發嘅維權運動,好多時,中國民眾反拆遷有理有據,甚至比好多左膠喺香港搞不遷不拆都要強十倍,但點解理據咁充分,法律喺晒人民果邊都要被拆,甚至被老屈,講到底,都係阻止班地方官賣地發財,所以果啲推土機越嚟越離譜,有啲農民以為喺土地上插中國國旗,班黨官就唔敢拆,如果啲黨官係連國旗都話知你,畢竟,中國共產黨班官邊度愛國㗎,佢地實際上係愛國家嘅錢,攞完啲錢後就投向西方嘅資本主義國家享受人生。

冚 hidden agenda 都唔係乜嘢捍衛法治問題,葛珮帆呢啲假博士乜都唔識就唔該shut up。冚 hidden agenda 背後嘅 hidden agenda ,就係九龍東係林鄭月娥嘅私產,林鄭月娥未必好care西九,畢竟西方啲油水喺文化藝術嘅框架下,並唔容易攞去派餅仔。但九龍東呢啲廠區,林鄭月娥只會諗點趕走舊區居民,甚至已經紮根嘅一啲文青項目,總之全觀塘都炒成一大堆甲級寫字樓,有得炒就發財,喺港鐵東西走廊貫通之後,又用同樣方法,大肆炒貴新蒲崗啲地皮,啲文青最好消失,或者侷喺火炭一角聊以點綴。所以林鄭月娥嘅真正目的係清場,當 hidden agenda 消失,起動九龍東嘅CBD化大計,就唔會有人阻止。

但我唔見得林鄭月娥呢件事有幾正義,國際社會嘅反感係肯定,同埋依家喺九龍東嘅中小企,你們應該借呢次機會揭竿而起,否則民氣一過蘇州過後無艇搭。林鄭月娥呢個人,比十年前嘅她更加眼裡只得權同錢。

發表迴響

你的電子郵件位址並不會被公開。 必要欄位標記為 *