江澤民-min

江澤民 死得未?

大家見到呢張林忌經典改圖,都知 江澤民 死得未呢個問題再度成為焦點, 江澤民 今日又傳就死得,點知救番未死,睇嚟林忌呢張改圖,喺可見將來,都會再出現多兩三次,甚至三四次。至少喺十九大之前,上海幫搵埋特異功能專家出嚟,都唔會俾 江澤民 瓜老襯。

江澤民 係團結江系嘅核心人物

雖然依家大家認為係江習惡鬥,但由於江系佔有太多利益,所以 江澤民 系統內部都有一番惡鬥,依家 江澤民 未死,所以江系內部依家會保持團結,所以喺十九大決戰前夕, 江澤民 係唔死得,呢個亦係點解 江澤民 寧願喺上海華山醫院留醫,都唔係北京留醫嘅原因,作為呢啲核心級嘅領導人,死訊又事關重大,應該係黨中央決定留醫北京,至少解放軍301醫院,或協和醫院呢類醫院,甚至喺中南海由特別醫療小組去照料,但依家 江澤民 寧願留喺上海,即代表佢老人家信唔過習系班友,驚佢啲對家賜死,成個江系都唔得掂。所以大家可以肯定,喺 十九大 之前, 江澤民 仲會被傳死多幾次,但 江澤民 呢條友本身應該仍然不死,就算做咗植物人都唔會俾佢死。因為只要 江澤民 一日仲喺人間,對方都唔可以輕易利用江系內鬥而去瓦解江系。

當然,又傳 江澤民 死,某程度上亦可能係對離間王岐山同習近平關係做法嘅報復,郭文貴係一位好老練嘅國安人員,不單有堅料,情報搜集功夫唔錯,而且佢出手快狠準,唔係一般簡單貨色。而郭文貴嘅意圖好清楚,王岐山投向江系無乜可能,亦未必有著數,但習王之間互咬,就一定可以漁人得利。所以習近平系統嘅人亦還以顏色,再一次傳 江澤民 死亡,雙方呢啲拳來腳往越嚟越無顧忌,因為十九大嘅人事鬥爭,係一場你死我亡嘅鬥爭,並唔係人民內部矛盾。當中共以敵我矛盾嘅規格,去看待黨內鬥爭嘅時候,好多時就會有大事發生。

對上一次,鬥到七彩,鬥到解決唔到,最後收唔科,就係1989年民運,最終係以屠殺收場,咁今次會係點呢?1989年果次,仲會講少少理想,但依家2017年呢次,大家都係利益至上,人民、民主等大家都唔會理,呢種局勢會唔會最終引發內戰,或經濟大動盪,大家就要小心睇路。

發表迴響

你的電子郵件位址並不會被公開。 必要欄位標記為 *