德國-香港

德國 正式介入香港事務

以往 德國 駐香港使館一般都只係就香港事務抽水,無正式高調鬧爆香港政府。只不過,依家 德國 聯邦政府正式發聲明,要求香港政府唔好再亂拉人, 德國 政府呢個官式態度史無前例。 德國 正式介入香港政治嘅時代,亦都隨之來臨。

英國唔做, 德國 做

德國 高調介入香港事務,一方面英國喺香港事務上唔夠硬淨,再加上BREXIT,英國唔可能再係歐盟喺香港利益嘅代表,所以 德國 就自己上陣,高調批評香港政府,爭取香港民心。其實 德國 使館嘅抽水post,應該係有一個政策方針去做,唔係為抽水而抽水。

另一方面, 德國 亦要尋求土耳其以外嘅新移民,或海外關連密切國家,土耳其最近嘅公投,將總統制變成現代版哈里發制,不單中斷咗土耳其嘅入歐盟申請,亦令 德國 警覺到,吸收大量唔認同 德國 同歐洲價值嘅土耳其移民係一件好危險嘅事,要增加人口都唔應該搵呢班友入手。相反,喺遮打革命後嘅香港人,不論以歐盟身份移民嘅BNO,定係未來可能申請嘅純香港人,都會明顯認同 德國 同歐盟價值觀,一如Sony Chan喺法國,都可以成功打入主流法國社會一樣。所以 德國 好可能係比美國更激進,大規模向遮打革命甚至主張港獨嘅人提供庇護或移民機會,因為呢班選擇同中國一刀兩斷嘅年青人,唔會有中國移民嘅問題,一如依家台灣駐德代表謝志偉教授,都變咗喺台灣宣傳德國價值嘅代表,無中國膠嘅問題。

啲大中華膠以為香港真係無西方國家要,英國見到 德國 咁積極,加上法國竟然有大批僑民住喺香港,一定會有壓力,未來香港政策,包括BNO問題,都唔敢放慢板,當然持BNO同BC喺英國嘅香港人,如果喺大選大量投票,就更可能會影響到成個政局。而美國一旦通過《香港人權及民主法》,態度亦好唔同。何俊仁認為果條 bill 係過唔到,呢個睇法除咗潑冷水,更反映唔少泛民嘅大中華膠,對國際局勢嘅無知同愚昧,依家大勢在變,當 德國 都變得咁強硬果陣,你認為美國會想將香港嘅主導權拱手相讓俾德國同法國為首嘅歐盟,美國同英國都唔會想咁樣。

香港爭奪戰,其實依家已經開始。

發表迴響

你的電子郵件位址並不會被公開。 必要欄位標記為 *