hidden agenda-國際-min

hidden agenda 變國際事件,點解林鄭月娥同梁振英都未肯收手?

hidden agenda 被冚檔事件,依家變成咗國際事件,除咗BBC報咗,連日本素人之亂嘅作者亦呼籲聲援,不單令 hidden agenda live house 呢次一戰成名,而且同時將香港官商勾結嘅核突食相一次過暴露出嚟。

hidden agenda 點樣阻住林鄭月娥搵食

由於冚 hidden agenda 太核突,一次過激起市民同國際社會反應,我估,其實香港政府班官未必唔知道,呢單嘢會引發關公災難,不過明知會搞出關公大災難都要搞出事嚟,林鄭月娥同梁振英死都唔收手,起動九龍東呢個林鄭月娥做發展局局長期間搞出嚟嘅項目至為關鍵,而土共左報《香港商報》2015年9月14日嘅報導,就咁講:

港府於2011年宣布「起動九龍東」計劃後,旋即吸引一班發展商爭先在區內「插旗」,區內多幅商地的推出均引爆「搶購潮」。今年5月截標的九龍灣祥業街項目,就引發以長實及新地等為首的本土派,與越秀、世房等中資財團間的大混戰,反映該區商廈已成兵家必爭之地。

成個起動九龍東,係要將 hidden agenda 所在地區搞成所謂第二個CBD,所以 hidden agenda 一定要死,特別涉及中國資本地產商世越同越秀嘅利益,你話點可能唔要 hidden agenda 死至得,只不過,娛樂界班友好明顯成班友亦有份食起動九龍東嘅大茶飯

以演藝界名人為例,「樂壇天王」劉德華及著名導演陳可辛可謂早着先鞭,前者於2011年豪擲6600萬元購入九龍灣「億京中心」一單位,後者則在同年斥資約3300萬元入手觀塘「萬兆豐中心」中層相連單位,涉及面積分別約4065及2096平方呎,呎價達5475及5085元。

近期,著名監製蕭潮順及歌手余文樂亦「前後腳」入市,前者以460萬元「鎖定」億京駿業街「中海日升中心」的447方呎樓上舖,後者則重搥逾2000萬元,承接同廈實用面積約1715平方呎的高層戶,反映演藝界同樣青睞九龍東的發展,該區他日或成為演藝界名人物業投資的熱門地點。

一睇番晒啲利益關係,明晒,真係沒有最仆街,只要更仆街,似乎真係有 hidden agenda 果個係梁振英同林鄭月娥。

發表迴響

你的電子郵件位址並不會被公開。 必要欄位標記為 *