hidden agenda

冚 hidden agenda 冚到少女被強姦,黑警要道歉

動用大量警力冚 hidden agenda 呢間live house,本來已經引發公憤,只不過,依家更加引發公憤嘅事發生咗。喺冚 hidden agenda 期間,九龍灣發生22歲少女被姦劫嘅案件。點解會有少女喺00:30呢個時間被姦劫,好明顯觀塘警區啲警力調配輕重不分有關。

冚 hidden agenda 重要定係維持社區治安重要?

冚 hidden agenda 呢單嘢,其實好多人都唔會認同係要咁多人,甚至係要冚,因為 hidden agenda 嘅存在,只不過係搞亂林鄭月娥喺起動九龍東計劃度搵大銀嘅大計,同公眾利益一啲關係都無,但警員巡邏對觀塘警區嚟講係重要,因為觀塘警區嘅幾個社區,其實都唔算係治安十分好嘅社區,如果無巡警巡邏係會有問題。

而依照咁睇,好明顯2300嘅 hidden agenda 取締行動裡面,警方不當抽調大量巡邏警力,走去支援入境處果啲不知所謂行動,令成個九龍灣、牛頭角、觀塘一帶警力空虛,跟住啲色狼就郁手。如果呢單嘢同警方無關,你點取信於公眾,2300冚 hidden agenda 爆發大衝突,0030就有少女被強姦,究竟係達官貴人搵大錢重要啲,定係一般平民百姓嘅安全重要啲。

比起其他國家,香港婦女要自保更有一個問題,喺台灣或其他國家,婦女以至一般平民就算唔可以擁有槍械,至少可以擁有胡椒噴霧,有必要果陣可以噴色狼逃走,正所謂官府在遠,拳頭在近,咁樣都仲好少少,香港人係連胡椒噴霧都唔俾擁有,你黑警黑白不分嘅話,市民就真係十分之危險。我對擁槍權嘅睇法,並唔係好似左膠咁負面,有時候,適量放寬擁有槍械權力,對治安其實係好事嚟,至少匪徒要落手之前,都要諗清楚代價。

依家喺香港市民普遍連胡椒噴霧都唔可以擁有嘅情況下,黑警變得咁黑白不分,咁香港市民點自保,依家梁振英呢條仆街搞到香港治安越嚟越差,咁樣並唔係辦法,公眾一定要迫黑警就冚 hidden agenda 搞到有少女被姦劫一事道歉,如果屈穎妍、馮煒光等人渣黑白不分,指責要 hidden agenda負責,咁大家應該睇清楚梁粉真面目。

發表迴響

你的電子郵件位址並不會被公開。 必要欄位標記為 *