黑工-min

Hidden Agenda有 黑工 ?拉晒班土共黑工先

hidden agenda 請英國樂隊嚟表演,結果被指請 黑工 。其實大家由入境處近年果啲,對洋人、日本人、台灣人「 黑工 」就極嚴厲,但對啲土共黑工,完全放任不理嘅態度,就明點解越嚟越多入境處官員升做高官,講賣身做狗,入境處仲早過警隊。香港市民真係可以留意吓,呢班收香港人錢出賣香港人嘅仆街,平日出入乜地方。特別呢班入境處大帝,有無出入東莞呢啲地方。

入境處只不過係中國走狗

入境處有乜嘢地方,一直都賣緊港,我就呢度數吓。

  1. 近年果啲中國貪官,好多都唔知點解,未住過香港,但有一張香港永久性居民身份證,究竟入境處簽過幾多呢類身份證俾呢班貪官污吏,至今入境處仍然未有向公眾作出任何交代。呢件事,會直接影響香港特區護照持有人地位。
  2. 每次選舉,都有指有一批幽靈選民,其實係住喺深圳嘅香港永久性居民,究竟呢班友啲香港身份證又點嚟。
  3. 次次中聯辦派錢搞大龍鳳,都有班中國嚟嘅人收錢示威,點解我從來未見過入境處嘅官員打 黑工 ,係唔係中聯辦有違反香港法律嘅特權,可以隨便請大批 黑工 去對付香港人?

我都仲未計,入境處有幾多決定,係政治決定,或者係獨厚中國人,而對印度裔、歐裔、巴基斯坦裔,甚至南洋華人係不利,呢個部門由梁銘彥至今,根本係一大堆共產黨走狗坐喺度,深度赤化,遠嚴重過英國人有所防備嘅香港警察。大家明點解,歷任保安局局長都係出身自入境處,而依家新嘅特首辦主任,都係入境處出身,而唔係政務主任職系出身。英國Home Office教出呢班共產黨走狗,都係英國Home Office歷史上羞恥嘅一頁。

所以話單程證要收番審批權,其實仲有一個先決條件,就係要清理晒入境處啲賣港賊,警察係出力仲要被人點相,入境處呢班人渣,篤兩下電腦,出吓文件就可以賣港求榮,而且仲有好多香港人傻更更,以為入境處係可以忠於香港,某程度上,都係炒樓好過做賊嘅邏輯嘅另一種實現。只不過,入境處賣港嘅證據越嚟越多果陣,我睇香港特區護照嘅免簽待遇仲剩番幾多,我都十分之懷疑,可以攞BNO嘅,都renew BNO算吧。

發表迴響

你的電子郵件位址並不會被公開。 必要欄位標記為 *