Hidden Agenda-min

政府重磅打擊 Hidden Agenda :阻住邊個發達?

Hidden Agenda 呢隊 indie bandlive house,一直都係政府打擊對象。只不過,呢次動用8隊警察,仲要冒得罪全球 indie band樂迷之險,以入境條例拉埋英國嚟香港演出嘅樂隊,呢件事越嚟越詭異,究竟 Hidden Agenda 阻止邊個發達,要搞到一次又一次,連放蛇都出動埋去拉人。

林鄭月娥 對 hidden agenda

首先,我發現 hidden agenda 歷年嚟嘅live house,都喺九龍東嘅工廠大廈,由牛頭角到觀塘一帶嘅廠廈,其實己經係唔少地產商食指大動嘅對象,想改晒做工業區撈一筆,而林鄭月娥果個起動九龍東計劃,擺明係西九以外另一個搵銀project,如果 hidden agenda 呢啲文創可以喺牛頭角同觀塘立足,咁你覺得以活化為名嘅各中小地產商,甚至中資地產商仲有機會賺錢,所以,過去幾年 hidden agenda 屢次被冚檔,好明顯係阻止林鄭月娥甚至梁振英發達有關,有時啲 hidden agenda唔難搵到,只要你有啲政治經濟學常識。利益去到邊,啲政棍嘅魔爪就會去到邊,呢個就係香港政治過去咁多年以嚟嘅基本定律。

當然, hidden agenda 係咁被政府冚檔,除咗地產商利益,亦都有政府積極攏絡果啲唱片公司嘅考慮,好似 hidden agenda 呢類live house越壯大,對仍然拒絕改革嘅大唱片公司嘅壓力就越大,特別係果啲唔敢喺政治議題上有所作為嘅港資唱片公司,大家睇到方晧玟首《你是你本身的傳奇》點解擊敗唔到鄭欣宜首《女神》,因為鄭欣宜係代表果啲娛樂界老seafood,而方皓玟首歌係用獨立唱片公司派台,否則你覺得屈穎妍、高志森呢啲友仔擦共產黨鞋係一啲著數都無?你睇呢班友都係同娛樂界相關,當中嘅金錢利益計算,你唔難計到政府動用咁多公職人員玩嘢,其實係好本小利大嘅一回事嚟嘅,只要公眾繼續對 hidden agenda 被打壓唔出聲。

其實政府應該歡迎 hidden agenda 呢類live house,後生仔得閒聽show就唔會作反,但依家我睇,遲早香港又會磚頭橫飛。

圖片蒙Music Surveillance 提供,謹謝!

發表迴響

你的電子郵件位址並不會被公開。 必要欄位標記為 *