VPN-2-min

點解我要做 VPN 生意

大家都知,我係有提供 VPN 服務,當然喺香港,本來唔應該要 VPN 服務,因為香港號稱資訊高度自由,駛鬼用 VPN 翻牆,我搞 VPN 服務,好大程度上,係方便各位睇英美一啲有IP限制嘅內容用。只不過,我估唔到,依家為咗得到一啲堅料,可能連香港都要用 VPN 。

郭文貴 爆料豪宅用香港IP睇唔到,要用 VPN

郭文貴 爆王岐山豪宅嘅實體地址之後,有人去美國嘅查冊網址,查探當中進一步相關資料,因為有堅料就有望查落去,點知,用香港IP,竟然出現error 16,成件事莫名其妙,結果我用英國 VPN 地址,至能夠睇到相關內容,我依家將相關內容嘅截圖俾大家睇,我喺2017年5月8日,0120 HKT左右去試圖瀏覽。

VPN-2-min
用英國 VPN 連接
VPN-1-min
用香港IP

我目的並唔係宣傳我嘅廿蚊雞 VPN 服務,如果純粹要睇王岐山嘅料,又唔係成日用 VPN 服務,如果你容忍得到慢,其實可以用坊間嘅免費服務頂住檔先。我亦唔知點解同邊個決定要封鎖香港IP,但可以肯定係,隨住依家中國權鬥越嚟越黐線,特別中共十九大嘅人事安排,如果五月都仲玩呢啲一等大亂鬥,我睇有結論嘅希望越嚟越渺茫,屆時候,香港係乜事都可能發生,包括部分ISP,甚至全港出現局部資訊封鎖,屆時可能就要出動 VPN 服務。一如我所知嘅十九大嘅講數狀況係,黨內鬥爭變成咗一場你死我亡嘅鬥爭,而郭文貴呢條友係咁放料,放到連地址都夠薑放埋出嚟,背景正係呢度。今日郭文貴可以咁玩,明天另一派又可以有另一種玩法,當呢種玩法越嚟越黐線果陣,就會令大家要用 VPN ,甚至類似李波案、肖建華案一類犯案手法嘅綁架事件,亦可能會越嚟越多,香港人根本係疲於奔命。

我做 VPN 生意,其實無乜大錢賺,大家見我設個咁嘅月費就明,而且我自己都打理唔容易,有一定試驗性質。但其實更關鍵嘅問題係,至少大家有多一個渠道,特別我睇十九大臨近果陣,果啲免費 VPN 能否應該中國網民再加政府DDoS嘅負荷,呢個根本係一個謎嚟。所以我呢個生意,多少有我對當前中國局勢不安嘅考慮。

發表迴響

你的電子郵件位址並不會被公開。 必要欄位標記為 *