長沙灣 斬人案-min

長沙灣 斬人案 :警黑越勾結就越多

呢排香港同黑社會相關罪案越嚟越多, 長沙灣 禮拜六嘅斬人案最為黐線,喺傷者八歲嘅女面前就地冚友,目中無人,呢啲電影至有嘅情節,依家竟然發生,啲犯罪集團就真係當警察係流嘅一樣。如果警黑勾結呢個問題唔解決,梁美芬定乜叉嘢辱警罪都唔會令到警察有尊嚴咁執法,因為依家黑社會根本唔放警察在眼內,呢個至係最根本打擊執法人員嘅尊嚴同士氣。

政治案件同黑道案件係兩回事

好多執法人員,其實未必明白,點解對政治「違法」案件要採取寬容態度,因為唔計六七暴動呢類恐怖主義案件,其實好多因表達意見而「違法」嘅案件,喺西方國家一係普遍以人權為理由輕判,甚至不列入刑法之中,另一方面,呢啲案件好多時係政府施政出問題,點解要你班執法人員做政客嘅磨心至得,你班友只不過打份工。所以公眾對辱警罪唔支持,「七警」變咗「七賊」,因為你對政治案件相關嘅人濫用私刑,公眾唔係傻,唔會認為你班友有義氣,只會覺得你班友為咗個平日和理非非嘅社工咁玩係淪為打手。

但黑社會係另一回事,唔計六七暴動,大部分政治案件,其實淋下水,甚至掟磚已經係好少見,但黑社會,涉及街頭毆鬥,好似深水埗南亞裔大亂鬥,以至毒品,甚至呢次,喺八歲嘅女面前就咁劈友,呢啲係真正嘅罪案,但政客為咗自己嘅私利,走去縱容呢啲罪案,你班警察無動於衷,市民只會覺得你班執法人員只不過係黑社會打手,社會跟住就唔會尊重你班友。點解台灣嘅軍公教人員嘅退休福利問題,會變成社會風暴,除咗因為軍公教人員嘅福利危害公共財政外,更大問題係,平日台灣軍公教,軍人內部亂嚟甚至退役將領投共,公務員,特別警員變咗國民黨打手,對白狼呢啲仆街視而不見,而林奕含反映台灣啲教師好多根本係人渣嚟,所以一旦出現公共財政議題,就全民圍剿軍公教。

依家香港警察要諗清楚,你地係除暴安良定政權打手,係除暴安良,唔該落力鏟除黑社會,咪再嘥時間喺啲政治案件柯打度,仲要小心冼澤正呢啲仆街,如果做政權打手,香港治安只會越嚟越差,而公眾日後亦唔會再尊重警察,後果等你退休果陣就知味道。

發表迴響

你的電子郵件位址並不會被公開。 必要欄位標記為 *