美國簽證-min

搵順豐運 美國簽證 簡直匪夷所思

傳真社揭發順豐幫美國領事館運 美國簽證 ,喺速遞中心俾人領件果陣,根本係無皇管。證明奧巴馬呢啲左膠掌管美國政府果陣,有好多保安上嘅缺失,如果係我,根本唔會將任何合約交俾順豐速運去做,呢個係危害美國國家安全嘅決定嚟。

美國簽證 應該交俾DHL、UPS或Fedex運

  1. 順豐速運同中國當局關係過份密切,美國根本唔知順豐有無員工係中國間諜,然後暗中搜集 美國簽證 持有人嘅資料。如果俾我,我寧願自己再上花園道攞簽證,都唔會想自己本護照喺任何中國政府有關嘅人手上。
  2. 英國政府處理香港嘅BNO同BC護照,係用DHL派遞,其中一個原因係DHL根本係德國郵政,而德國郵政嘅最大股東係德國政府持有嘅KfW Bankengruppe,某程度上,如果啲護照有乜冬瓜豆腐,負責係德國政府,呢個係香港BNO同BC持有人可以放心嘅原因。如果我係美國政府,寧願仿傚英國嘅做法,至少將派遞工作交俾DHL做,至少DHL有龐大網絡之餘,亦相對嚟得安全。
  3. 當然,由美國人嘅角度,最好嘅做法,其實係由UPS或者Fedex負責,一方面錢俾美國人賺,另一方面,呢啲美國註冊公司,有承擔美國國家安全嘅法律責任,就算美國政府要捉鬼都容易啲,依家順豐速運出咗乜事,你捉鬼真係捉條毛。

依家美國政府為咗慳錢,連順豐速運都殺,結果就係 美國簽證 嘅派遞程序出現嚴重保安漏洞,如果有恐怖分子混入 順豐速運 ,搞到有人唔見護照或者有人成功利用偽造護照進入美國搞屎搞尿,特朗普搞乜travel ban都係假。所以依家美國其中一個當前急務,其實係要撥亂反正,將奧巴馬呢個左膠當政八年嘅部分錯誤糾正過嚟,特別一啲左膠式嘅錯誤,例如順豐速運派 美國簽證 呢種危險做法,應該立即停止,或者鼓勵公眾去花園道領事館攞番本護照好過,呢個至少美國政府同申請人本身都安心。當然,喺清理美國領事館呢啲喺 美國簽證 申請程序都會派膠嘅情況後,係應該清理唔少潛伏喺美國政府部門嘅中國間諜,特別華裔員工,以及部分娶咗嚟自中國女人嘅洋人。

3 thoughts on “搵順豐運 美國簽證 簡直匪夷所思

  1. 其實美國本土自己處理申請/續護照,亦好求其,雖然入紙時要見真人,不過郵寄比你嘅時候,亦只係用First Class Mail,即係只有Tracking Number,而唔使要人簽收。

    不過喺香港要用到順豐,就真係匪夷所思。我記得上次續簽證時(應該係2012年暑假),仍然係用緊HK Post。

  2. //係應該清理唔少潛伏喺美國政府部門嘅中國間諜,特別華裔員工,以及部分娶咗嚟自中國女人嘅洋人。//
    以上呢段先至係重點 👍

發表迴響

你的電子郵件位址並不會被公開。 必要欄位標記為 *